拍拖拍耐左，苦苦建立既形象慢慢瓦解。

係冬季長期着長袖，我成日懶得剃毛，要男友提點。
腸胃吾好成日放屁，想扮吾係我都難。
漏M係將床到，嗚嗚，真係好𤓓。
間吾中整D噁心鬼臉焗佢睇。
我地早晨口臭但都會攬攬錫錫一輪先去刷牙。

好多人拍拖一開始都冇咁柒架，但對得耐左就原形畢露。係對方面前開始不修邊幅，懶顧形象，最醜既一面都吾客氣俾佢欣賞。

呢種坦蕩蕩好令人無地自容，但往往比起甜言蜜語，名貴禮物更為窩心。有咩幸福得過吾洗左遮右掩，盡情核突，都有人無條件接受，甚至鐘意？！

P.S. 今日終於頂吾順自己去左剃腳毛。

慎入: https://www.facebook.com/weirdclassmate/