作為一個仙都唔仙下既廢青，我不得不反思物質呢個問題。
樓價高企，茶餐廳都五六拾蚊先有餐，真係喊出黎。錢唔易揾，揾到都要識得洗。
名牌質素高，有保證？唔好自己呃自己，你比左幾多係個牌子黎滿足虛榮心？質素保證呢樣野，都冇大家諗得咁貴。外籍男友長期網購大陸整既藍藻粉，我問佢你唔驚食壞人咩，佢話佢問左廠商拎品質證書黎睇，又拎過啲粉比熟呢啲野既朋友係lab度測試過。原來肯落手落腳做多啲資料搜集，連information cost都慳埋。
來佬貨貴得離譜。美國平民品牌Gap，A&F之類黎左香港變高檔野，出前一丁係丹麥買要三四拾蚊一個，好痴線。人係邊就用番當地或者附近野，我係香港飲豆奶黎捷克轉飲牛奶，係香港用日韓護膚品依家用歐洲野，又慳吾少。
壓力大得濟有時候要shopping發洩下。所以好多時一出糧就唔小心洗大左，唔開心又想買鞋買衫買化妝品。其實工作壓力大得擠搞到亂洗錢，咁辛苦返工為咩？呢樣野都唔係冇得解決，例如係月頭或唔開心果陣將信用卡俾相熟既朋友保管先，避過唔理智既時候。
反之，正野唔係咁貴。旅行冇大家想像咁貴。辭左份工環遊世界，去完一個地方再去鄰近地方，可以節省交通費。如果對食宿要求唔高，住hostel食街邊檔，唔貴得去邊。做多啲資料搜集，唔好中tourist trap,又慳唔少。
享受而唔係享樂都唔太貴，去下大自然，休閒煮下野食，係屋企煲下舊電影，買支靚酒約三五知己係屋企吹水，唔使下下放題imax蒲吧先叫正既。
大家買野，究竟花左幾多錢係brand image，information cost，發洩度？值得嗎？
我都明以上講既野好滅絕人性，但揾錢艱難，大家量力而為啦！
P.S. 以上講既只適用於廢青。
.jpg)
