呢個世界其實無咁多懷才不遇。

唔知大家身邊有無一種整日覺得自己懷才不遇既人?

我認識一個。
我以前有個同事，我係到叫佢做李白
（因為李白好似都係懷才不懷）

阿李白先生成日喺facebook公開發放負能量
題目大概係公司既上司呀高層呀都烚9佢，阻礙佢
其他人又睇小佢，害佢呀笑佢呀乜乜乜
然後最尾一定係高呼一句：夢想萬歲！

每過幾日我都會睇到佢講自己既夢想被世人阻止
但！我！是！不！會！被！打！倒！

又或者佢會分享其他人追夢既post
然後又講一次自己被阻撓都力爭上游對抗強權既故事

好似好積極。

而每次都會見到好多留言：「支持您追夢呀」
「加油呀」「您有夢想真好」「您好叻」
呢班人好那噁心

我唔係批評佢既夢想
但我相信好多人都擁有夢想
每日喺facebook消費住夢想兩個字
把「我有夢想」刻喺額頭來證明自己高尚 好那煩

不過我相信
佢都只係一個靠別人留言捧高來當食糧既attention seeker.

甚至再加上D被害妄想症
成日話周圍既人阻撓佢，又話有D人妒忌佢所以陷害佢

其實大家都好忙，真係無咁多人得閒阻住您發達
唔好以為自己喺世界中心呼喚愛
其實好多人唔係睇小您，而係睇唔到您
全世界一齊阻撓您？傻的嗎？您係邊個姐
真係痴那線
/
唉其實我都畀上司阻撓
佢咁耐都唔升我職，一定係唔想畀我上位
不過唔緊要，我有一個夢想！
夢想萬歲！

我的專頁：https://www.facebook.com/hkgirlfriend/