【靈魂若變賣了，上鏈也沒心跳】

朋友之中，我諗我係最鼓勵人辭職嘅人

呢兩年每次聽到朋友同我講「我想辭職呀」
我都會拍手鼓勵佢快啲走，走得快好世界呀
天大地大，既然做得唔高興又何必勉強自己？
何況我哋呢啲小薯搵緊嘅萬幾蚊，出面點會搵唔番？
為咗萬幾蚊去出賣靈魂，販賣生活，值得咩？

朋友問我「番工開心緊唔緊要？」
然後我諗起某份工嘅CEO話：「番工開心要畀錢㗎」
當時年少氣盛心諗佢啲老屎忽真係on99

後來發現番工搵到大錢又開心原來真係好難

我話「依家我已經唔求工作快樂，
只係希望份工唔會影響到我放工以後嘅情緒同生活」
因為我實在太明白畀一份工影響成日情緒嘅感覺
甚至係畀一個垃圾無能上司激心激成晚嘅感覺
依家諗番真係好傻豬，打份工啫做咩要犧牲埋情緒

通常呢個時候就會有人衝出嚟話「依家啲後生真係唔捱得」
得一次嘅人生，我真係唔想將青春嘅歲月用嚟唔開心
捱到隻狗咁最後咪又係萬般帶不走

你已經為工作（正確啲係為金錢）付出咗時間
生活就留番畀自己。

襯你仲有丁點嘅青春
選擇更好嘅工作更快樂嘅生活
如果唔係hea下hea下就老了。

親，遠離西公司西上司才是智慧的開端耶～
/
港女友：https://www.facebook.com/hkgirlfriend/
IG：hkgirlfriend