B女個人雖然好搞笑，但有時脾氣都會好臭。OKOK我知道搞笑同臭脾氣你地實會話Why not both，但b女嘅脾氣，有時係大到你唔信。
有好多人都會俾脾氣牽住自己走，脾氣一到，佢地就會不顧一切咁發出嚟。好似b女咁，好多時我一唔小心講錯嘢激嬲佢，佢就會語氣180度咁作出飄移轉向：
「我唔想傾電話喇，我冇心情呀。」
當我個心暗叫「大撚獲」時，b女就會再補一刀：
「我今日好多嘢做，我唔搵你喇。」
喂大佬，咪住，妳收返堆妳兩把斧頭先，最多我認錯囉。b女成日話我係「認錯帝」，但我唔介意，古語有云「求學不是求分數」，宜家我「認錯不是認衰仔」，總之氹得返個女朋友就得啦。
認錯呢一招，遇上普通脾氣都仲搞得掂。但有時遇上個別狂風雷雨，就唔係好work。
「唔傾呀，唔使講對唔住呀。」b女喺電話入面好似極力掙扎咁向我講，最後又會循例再補一刀作收尾
「我今日要全日瞓教，唔會打俾你呀。」
「我今日去英國，聽日先返呀，唔會打俾你呀。」
「我今日全日都要屙屎好忙呀，我唔會打俾你呀。」
總之咩原因都好，「我今日_ _ _ _，我唔會打俾你呀。」自己填啦。
雖然我菇菇仔個人係樂觀底，但面嗰浸點都有小小悲觀喺度。學回魂夜個Leon話齋，有時人個意志一鬆嘅時候，就會俾好多唔等使嘅念頭走入個腦到喇。
「佢係咪真係咁唔想見到我？」b女收線之後，呢一句說話就好似迴音咁喺我個腦入面周圍咁衝。不過好快，有時係三分鐘，有時係三十分鐘，b女又會再打電話嚟：
「Hello，我唔嬲喇。」
我地好快又會冇事咁繼續講低能嘢，不過有時候個心都會隱隱作痛。就係因為呢個原因，我試過咁樣樣訪問佢喎。
「B呀，點解妳成日一嬲就好似想離開我咁嘅？」
「我性格係咪好難頂呀？」
「我今日全日都要屙屎好忙呀，我唔會打俾你呀。」
總之咩原因都好，「我今日_ _ _ _，我唔會打俾你呀。」自己填啦。
雖然我菇菇仔個人係樂觀底，但面嗰浸點都有小小悲觀喺度。學回魂夜個Leon話齋，有時人個意志一鬆嘅時候，就會俾好多唔等使嘅念頭走入個腦到喇。
「佢係咪真係咁唔想見到我？」b女收線之後，呢一句說話就好似迴音咁喺我個腦入面周圍咁衝。不過好快，有時係三分鐘，有時係三十分鐘，b女又會再打電話嚟：
「Hello，我唔嬲喇。」
我地好快又會冇事咁繼續講低能嘢，不過有時候個心都會隱隱作痛。就係因為呢個原因，我試過咁樣樣訪問佢喎。
「B呀，點解妳成日一嬲就好似想離開我咁嘅？」
「我性格係咪好難頂呀？」
「唔難，但點解妳你咁易嬲，一嬲又好似冇break咁嘅？」
「係啦，我一嬲就咩都唔理，菇呀，我性格係咪好難頂呀？」
「唔係呀…只係有時會唔開心之嘛…」
「你會唔開心呀？咁你會唔會唔鐘意我呀？我係咪真係好難頂呀？」
「哈哈哈哈…」講到呢度我已經會忍唔住笑，因為佢就好似一隻入電嘅玩具咁，將一句說話用一個表情不斷咁重覆。
「嗚，你笑我嘅，你一定係唔鐘意我喇。」
通常佢扮喊就係我地對話完結嘅訊號，跟住我就會用手臂鎖住佢個頭，將佢塞落我個格肋底度。
兩個人相處就係咁，你進時我退，我行前時你又會就我。我地唔一定企死一個位，但當我地每郁一步時，都係因為對方而設想。你想發脾氣時，我一定會霸住氹你嗰個位。關係，其實就係咁簡單，只係好多人都唔想放低自己去多行一步。
「係難頂呀，但最好俾我頂過世啦，大佬。」
「係啦，我一嬲就咩都唔理，菇呀，我性格係咪好難頂呀？」
「唔係呀…只係有時會唔開心之嘛…」
「你會唔開心呀？咁你會唔會唔鐘意我呀？我係咪真係好難頂呀？」
「哈哈哈哈…」講到呢度我已經會忍唔住笑，因為佢就好似一隻入電嘅玩具咁，將一句說話用一個表情不斷咁重覆。
「嗚，你笑我嘅，你一定係唔鐘意我喇。」
通常佢扮喊就係我地對話完結嘅訊號，跟住我就會用手臂鎖住佢個頭，將佢塞落我個格肋底度。
兩個人相處就係咁，你進時我退，我行前時你又會就我。我地唔一定企死一個位，但當我地每郁一步時，都係因為對方而設想。你想發脾氣時，我一定會霸住氹你嗰個位。關係，其實就係咁簡單，只係好多人都唔想放低自己去多行一步。
「係難頂呀，但最好俾我頂過世啦，大佬。」
