聽好多朋友都講過，話我同女朋友個樣好似…
　
「你執到啦～畀啲優良基因你啊！」女朋友。
「痴線…似妳咁笨就慘喇。」
　
樣貌方面，我哋自己梗係唔覺，但我留意咗好耐，發現除咗個樣，連個格都愈來愈似。
　
同女朋友傾計，佢未講下一句，就知佢想講乜同畀咩反應。

口頭禪又一樣，有時佢哼完首歌，首歌就停留喺我個腦全日不停LOOP。
除此之外，就連平時嘅小動作，語氣都一樣。
有時仲衰到同時間講咗同一句嘢，唱雙簧咩大佬…
　
「咪跟我風講嘢啦你。」女朋友。
「妳跟我啊！呢句口頭禪係我講先！」我。
「我發明嫁！你個臭屁蟲！」
　
到底邊個抄邊個，無一次有結論。但口裡說不，嘴角卻很誠實，每次遇到咁嘅情況，總係忍唔住笑咗出黎。
　
究竟點解會咁？因為平時女朋友講嘢時嘅語氣同小動作，我都覺得好吸引我視線，所以我會好仔細咁留意住。日子耐咗，我個腦就住咗一隻迷你版嘅女朋友，混淆住我思考…
　
而我相信，女朋友個腦都住咗一隻，
迷你版嘅我～
　
IG：BlueGodZi