每次出席女神既婚禮，你都會打扮得好靚仔（自以為），去恤個靚髮，再去uniqlo買套恤衫布褲，希望自己可以好似電影裡面既老套情節咁，著住婚紗既女神見到自己俊朗既外表，會忍唔住同佢老公講離婚，再衝前攬住自己話要私奔……
好啦，FF完，回到現實。
行到酒店接待處，攞出三千蚊人情交俾姊妹。其實你一早知道去酒店一千蚊係公價，你亦都知道去埋今次既婚禮之後，你唔會再有機會見到女神，嗰一刻，你冇諗太多，只係希望當女神返屋企拆人情既時候，望到三千蚊會諗起自己。
上前同女神影相，呢一刻你有點兒感觸，你曾經幻想過企響女神身邊既係自己，幻想自己可以手拖手同女神步入教堂，你望一望新郎哥，心底裡同佢做個比拼，發現自己唔夠人靚仔，錢搵得唔夠人多，冇車冇樓……呢一刻，你覺得自己係零。
女神話多謝你出席佢既婚禮，信心已經跌落谷底既你勉強擠出一個笑容，嗰一刻，你只希望自己笑得唔好太過Dickson。
接落黎一個鐘，女神已經冇再同你打過任何一個招呼，人來人往，你好似一個過客咁坐響人群裡面，聽住已經播到厭既音樂，飲緊比工業用酒精更難飲既紅酒，女神溝唔到仲要攞三千蚊出黎歡送女神，排長龍影相到最後係冇人會send返張相俾自己，呢刻，你覺得婚禮呢回事真係好諷刺。
坐你隔離既肥仔未到食翅已經飲到醉醺醺喊晒口咁，你知道佢同你係同道中人，因為大家都係一條溝唔到女既可憐蟲，你安慰佢話：「唔好喊啦，你喊死醉死都冇人理你，早啲返屋企仔休息啦，唔好再飲！」佢喊住咁答你：「我喊，唔係因為女神俾人搶走，而係三十歲人，身邊已經冇晒女神！」呢句說話，隻隻字你都識，但加埋一齊你就唔係好明。
肥仔仲響度飲酒，望住佢，你吐左篤痰落地下作為對佢既鄙視，之後好瀟灑咁提早離席。
你冇好似肥仔咁自暴自棄，打算返屋打個靚Ｊ，因為你一早已經領悟到一個道理。
「做左咁耐毒撚，仲未慣女神俾人搶走咩？」