「愛情其實可以簡簡單單，兩個人拍拖相處得開心就足夠。」

我同女朋友拍拖既活動真係好簡單隨意
可能周圍行下街、食下野咁樣又一日
但女朋友好奇怪，唔知佢係無乜安全感定係屎忽太痕，成日突擊考驗我...

有次佢食緊雪糕，行行下街無啦啦叫我鍚佢
「你依加鍚我！」

做咩姐佢…

我見到佢成嘴都係白色既雪糕漬，我有D卻步
「吓….好多人喎條街」
「我唔理呀！」
佢就係咁無啦啦停左係條街到
係呢個左穿右插既人群之中，我望唔透

你就想睇死我唔敢錫咋嘛！
好！

我就唔敢！
話畢，我就攞張紙巾出黎幫佢抹左嘴上既雪糕
「睇下你，食到幾污糟」

之後再錫佢一啖補番數
我用勝利既眼光望住佢

無錯，我贏！

就係咁低B無聊，都可以玩一餐
不過唔好以為咁就完，女朋友既「考驗」仲一步步黎緊

有一次夏天同佢係郊區周圍行下，無啦啦佢笑笑口問
「點解你會鍾意我既」
我望住佢咁奸既笑樣
就知道佢又黎啦…又想試我啦

「你靚囉~」
之後佢就一野拍落黎
「喂！又係到hea我」
「哈！你都唔信呢～」
可能佢都知自己唔靚（好似係）

「快D講啦！」
「因為當初我見到你，個次大家臉貼得超近既時候，我忍唔住好想錫落去！」

之後佢瞪大隻眼望住我
「變態！」
「係架，我成日都想錫你架啦！訓醒個陣想錫、攬住你個陣想錫、你挨係我身邊個陣想錫」
一路講，一路見住佢嘴角向上揚
其實佢不知幾開心係到暗爽

其實情侶間既開心，有時只係好簡單幾個動作、幾個行為就已經足夠
我地兩個就係咁成日打打鬧鬧，希望可以打足一世

或者外人聽落咁樣拍拖好辛苦，次次都比個女仔食住，又咩過關考驗，真係人都癲
但其實女朋友又點會真係每次都咁辛苦去試你、考你…
講咁多，都只係想聽下你既甜言蜜語姐

呢一種可能就係人地講既小情趣
其實玩咩、講咩都好，最緊要都係對方受落，你情我願

愛情其實可以簡簡單單，兩個人拍拖相處得開心就夠
如果你真係要我講原因，我只可以好老套講一句
「因為愛，所以愛」

IG有片，真係好有畫面:)
https://www.instagram.com/hottofuzai/

ig: hottofuzai - 音樂故事
fb:熱豆腐仔