我寫呢篇文個陣,係三月二十五日,比著係你,你會唔會覺得三月二十五日應該係一個暖暖地既日子?意思係出街都會聽到雀仔叫,吸口空氣都有陣濕氣既春天......
起碼我會覺得係先。
仲記得前一兩個月,每個人都凍到要唱「西伯利亞人,冬天的冠軍......」個陣(有冇聲?),又真係幾有趣,相信出生於香港既九十後,又好少出去旅遊既人,都未經歷過1~2度呢種情況......
仲未計體感溫度,意思就係會感覺到更加凍,相信當時好多人屈指一算或者睇新聞,都知道溫度低過零度會發生咩事,無錯,就係水會凝固!即係話長年唔落雪既香港都有機會落雪,
人稱「香港版富士山」既大帽山,即時成為網上搜尋熱點,落雪可能於老一輩黎講濕濕碎,有咩風浪未見過,但老實講,對於一世人都唔知有冇機會打一次雪戰既人,呢次真係百年
難得一遇既情況,坦白講,朋友都有邀請我上去,但奈於保暖衣服不足既關係,活動只能作罷。相信之後大家都知道大帽山發生咩事,結果忙到人之餘,又煩到自己,諗落都唔值得。
大帽山風波總算告一段落,再凍多一排,正當回暖之際,可能有人會問我幾時有回暖過,而我記得有兩日,一日仲高達26度!真係暖到我都準備好哂泳褲,(我游水唔著衫)點知隨即轉
返凍,呢幾日溫度仲要越黎越凍,唔知大家會唔會覺得春天既濕凍比冬天既乾凍更慘,因為喺春天沖完涼,當你想擦乾嗰身,你會發現條毛巾都係濕既......沖完涼嗰身仲係痴黐黐並
唔好受。
最後講返句老生常談,天氣反常咗咁多,如果之後6月仲未回暖,係咪我們先至開始識反思到要做返些少野,黎彌補咁多年黎做緊既錯事呢?有心既,可以睇下KOKO講乜
https://www.youtube.com/watch?v=FVuNTiqHys0
真係猩猩都醒過我地,坦白講,除左shame on me 之外,我地仲可以做多啲......
醒啦仲訓!除非你鐘意一年一半冬天,一半夏天啦,不過唔好忘記「夏蟲不可語冰」,我會呼籲大家,起碼叫外賣嗰陣,試下走餐筷,做到既,多謝你。
fb:井底蛙的煩惱
做到走餐筷既可以同我講,夠一定人數我會出文報答大家,唔like我都起碼走左餐筷先啦~
我之後會再出文,希望引起更多人關注保育環境。
