被女朋友問前度嘅事，係步向死亡嘅開始…
「吖～係呢～你同前度係點識？」女朋友裝作若無其事咁樣問，呢個絕對係一個陷阱黎！
「唔、唔記得啦，我而家個腦得妳一個。」
「邊有可能完全唔記得啊？定係你唔肯講啊？」女朋友放低部手機。
「咁佢係同事，之後食飯…之後一齊囉…」
「佢咩樣嫁？」女朋友乘勝追擊。
「同妳差不多，眼大大，得得意意咁…」
緊接住落黎，仲有其他更加精密問題，我唔明白究竟佢知黎有乜幫助。
我淨係知如果唔答，個頭肯定會同個身體分離講再見。
「咁你覺得佢靚定我靚？鍾意邊個多啲」
「無得比啦大佬！妳壓倒勝啊！」
「咁你又一齊？」
「未遇到妳嘛大佬…未食過板長壽司咪會覺得明將好食囉。」
「算你啦～」女朋友終於都笑返。每個女仔都一樣咁執著於男朋友嘅前度，要多角度分析，再同自己進行一次大比拚先安落。
若果女朋友咁樣問你，千祈唔好厭煩…
我淨係知如果唔答，個頭肯定會同個身體分離講再見。
「咁你覺得佢靚定我靚？鍾意邊個多啲」
「無得比啦大佬！妳壓倒勝啊！」
「咁你又一齊？」
「未遇到妳嘛大佬…未食過板長壽司咪會覺得明將好食囉。」
「算你啦～」女朋友終於都笑返。每個女仔都一樣咁執著於男朋友嘅前度，要多角度分析，再同自己進行一次大比拚先安落。
若果女朋友咁樣問你，千祈唔好厭煩…
佢咁執著，只係想自己再做好啲。
因為每個女仔，除咗想自己做你嘅最後一個。
亦要求自己做咁多個入面嘅冠軍。
「吖～係呢～」
「咩、咩事？」我聽見之後個心一寒…
「點解你記得咁清楚嘅？」
「……」
I Am Totally Dead Dead！
────────
最新出版：《無病你呻乜嘢吟》
IG：BlueGodZi
因為每個女仔，除咗想自己做你嘅最後一個。
亦要求自己做咁多個入面嘅冠軍。
「吖～係呢～」
「咩、咩事？」我聽見之後個心一寒…
「點解你記得咁清楚嘅？」
「……」
I Am Totally Dead Dead！
────────
最新出版：《無病你呻乜嘢吟》
IG：BlueGodZi
