以前同一大班 FD 去食飯，通常會選擇食放題或者任食打邊爐。
點解？因為可以食到間餐廳蝕比我地，而我地個個就攬住個肚走，用好滿足既眼神同經理講︰「多謝晒」
我同班 FD 就比較鐘意酒樓既任食打邊爐多 D，正所謂痴痴呆咪坐埋一台，加埋成班人係度「十下十下」就特別過癮。
以前覺得任食打邊爐既座椅根本係多餘，邊會有人坐，成班都企係到「十下十下」，十幾對筷子長期係湯入邊不斷打撈食物，邊個一坐低就註定成為輸家，係完全夾唔到野食，所以係唔會有人坐。
個侍應一放低碟野，我地會一次掃晒落個湯到，加上成台粗口橫飛，係外人既既眼中，我地就好似斑鬣狗咁，瘋狂咁嘶咬獵物，完全係無人類應有既儀態。
肥牛係個爐到多個 5 秒話你好野！
奇︰「屌！我舊肥牛呢！？邊個仆街夾左！」
文︰「頭先我筷子無啦啦撈到舊肥牛，原來係你架？」
龍︰「自已 ON9 唔夾實，又冇寫名，邊個夾到咪邊個食囉！」
奇︰「屌你啦！成日搶晒我 D 野！」
樂︰「屌！再落單啦！」
....
咁歡樂既氣氛真係好開心，但人大左就開始減少呢 D 咁瘋狂既行為，而家開始連放題或者任食打邊爐都唔想去，寧願去一碟碟計個 D 打邊爐，覺得放題或者任食既質素冇普通餐廳咁好。
不過我真好懷念個陣既自己！
