“噠噠噠...噠.....噠噠....噠...唉..又輸.. ”
我將自己掉落牀，望住上面一片空白嘅天花板，由於我冇嘢做，所以訓咗係到發呆 , 就係我就嚟瞓着嘅時候。。。
“叮~” 我望住就放喺我隔離嘅電話一陣 , 就攞起部電話睇一睇 ,
⎡2021年8月31日 下午12:00 自殺 ⎦
“咕嚕咕嚕...” 我望住自己個肚 , 決定食我人生中最後一次嘅午餐...
我懶懶閒咁落床 , 行到廚房睇吓有咩食 , 結果...
“一個杯麵都冇 , 點搞啊...”
最後 , 我決定連衫都唔換就落咗樓下7仔買幾個杯麵返上屋企食...
我一出到門口 ,撳完𨋢 , “沙沙...砰砰..砰..沙” 嘅聲音就係後樓梯傳出嚟 , 睇嚟嗰個醉酒佬
又係到享受佢嘅⎡一人世界 ⎦… 就係呢個充滿好奇心嘅我想過去八卦下嘅時候 , “叮叮”部𨋢已經到咗 , 我已經將頭先嘅嘢忘記咗,落咗7仔...
“歡迎光臨- 咦, 又係你啊 , 俊哥哥! “
係7仔做暑期工嘅收銀員Khloe 亦都係我鄰居 , 一見到我嘅佢由原本悶悶不樂嘅樣立刻變到笑逐顏開 , 露出一個溫柔嘅笑容, 佢笑起來總會有兩個淺淺嘅酒窩, Khloe係一個十七八歲嘅少女...但佢性格完全同一個小學生冇分別 , 太過黐人 , 所以有時都幾煩下...
而無錯, 我的確係成日幫襯7仔...因為方便....我無視成日同我扮到好熟嘅佢 , 直接去咗攞杯麵...
我求其攞十幾個杯麵同幾罐可樂 , 就去咗俾錢 , 呢個時候，傳來一把男人聲
“K-khloe ! 幾時放工啊, 你收工之後同你打邊爐啊! ”
從佢嘅打扮睇佢應該係一個斯斯文文嘅後生仔 , 佢應該係想追Khloe...咁都唔出奇 , 因我次次嚟都會見到幾個男仔過嚟約佢出街 , 呢啲亭亭玉立嘅女仔, 的確好難搵到.
“下-下?咁啊...好啦 , 我都就放工㗎啦 ~”
我睇得出Khloe都係勉強接受...我俾完錢 , 臨走嘅時候 , 身後又傳來嗰把熟悉又煩人嘅聲音~
"俊哥哥! BYE BYE ,下次再見! “ 聽到Khloe大嗌之後 , 我都不禁笑咗出嚟 , 佢呢把雖然煩到不得了但温柔又活潑嘅聲, 有邊個聽到唔會笑?
我離開咗7仔, 自己行到返屋企樓下...當我行入樓下大堂嘅時候 ,我感受到所有人嘅目光都放係我身上, 但我都已經習慣咗..
第一部份完畢
