「痴線！我都好返曬，仲做咩手術？我要出院呀！」
「如果你選擇唔進行治療，就要俾返住院費同醫療費。」醫生睇睇文件，個樣木曬，「多謝一百萬零九千七。」
唔好去搶？我邊有咁多錢？但如果唔俾錢搿硬出院，實俾人告。法律面前，窮人含＿，到時分分鐘要坐監。
我同老婆商量完，局住簽咗份同意書佢。至於做咩手術，我已經唔想知，冇幾耐就俾人推咗入手術室。
我好後悔，原來份正職合約寫明唔俾秘撈係有原因架！唔秘撈，冇錢交租最多咪瞓天橋底，都唔駛冇啦啦欠正苦成球嘢呀！
第二日，麻醉藥藥效過咗，我醒返，記錄員就話：「恭喜你，手術非常成功！」
我望一望下面，原來我條J被人切咗，換咗鋼鐵義J！
媽呀！我真係差啲嚇到心臟病發。老婆一見到，就攬住我喊。
記錄員拎住一大疊文件解釋：「免費醫療保障唔包括『因為做愛而整損嘅陰莖』，為咗令你享受到免費治療，我哋必須將治療升級。唔駛擔心，呢樣係最新科技，你嘅快感仲會多咗，其他病人都有讚冇彈。」
然後佢俾咗份問卷我填，我全部填曬「非常不滿意」，點知佢俾過份新嘅我，我唔想嘥時間，唯有填返「非常滿意」。
「駁口位有啲痛，有冇止痛藥？」
記錄員繼續笑得專業，「每日六次，每隔四個鐘為傷口影低相，每朝早七點交返去樓下嘅藥物審批處，就可以換到止痛藥。」
「我哋期待你嘅康復報告！」
我終於出得院喇媽咪！
好在佢哋冇呃我，鋼鐵J好用過以前，長度有得調較，又夠硬，老婆話仲爽添，連怨我份糧淨係夠租劏房都怨少咗。
我日日將啲私照交去醫院藥房，俾佢哋做記錄先換到藥。咁啱睇到門口嘅晨早新聞，原來免費醫療計劃成效好好，幫到好多病人。
然後我休息多三日，就好返曬，返得工喇，yeah！
知道係男人最痛，腦細好體諒我，冇炒魷，淨係要求我做返曬咁多日積落嚟嘅工作。我真係好感恩，可以晚晚OT唔駛再秘撈喇。
有一晚，我OT到十二點先返屋企，老婆又話想要，我做做下，點知又攰到瞓著咗，鋼鐵J留喺老婆體內冇拎返出嚟。
今次我條J梗係冇事啦，但輪到我老婆下面損咗，諗住睇醫生。
我諗諗下都係阻止佢，「傻咗咩？佢哋換個鋼鐵西俾你點算？仲駛生仔嘅？」我落樓買啲藥膏俾老婆，用咗幾日佢就好返。
諗住一天都光曬，點知半年後，免費醫療計劃因為開支太大，俾政府中止咗。警察冇啦啦上門，告我濫用社會資源，仲拎返成疊相嚟做證據，告多我一條性騷擾添……
呢件事之後，窮人唔敢再睇醫生，有少少錢嘅都轉曬睇私家。就係咁，公營醫院終於冇曬壓力喇。
（完）
鍾意嘅，請Like & Share！Follow埋專頁，睇文快一截！
更多短篇狂想、鬼叫我炒散、愛情散文：https://goo.gl/QcXrPe
Facebook專頁：https://goo.gl/FVN3Pb
#余該隱 #短篇 #小說 #廣東話 #短篇狂想 #短篇小說 #醫院 #免費醫療計劃 #鋼鐵J #ironJ #變身ironman第一步
