話說上年兩條麻甩佬去咗西貢浪茄到露營,諗住睇流星雨。

出發前一晚,大家都抱著興奮嘅心情,期待著雙子座流星雨嘅來臨。一大朝早,我就被Whatsapp嘅通知嘈醒咗,打開螢幕,發現係明哥(今次露營嘅旅伴)
「我屌,喂個流星雨過能咗!」明哥以可笑和不甘嘅語氣說著。
我立即打俾明哥。
「咩事呀?」
「原來我地睇能錯咗個日期」
「屌,等我地仲半個月前淘寶買營具」我自嘲地說道。
「唉,照去啦,話唔定有呢,琴晚係高峰期姐,則係代表今晚可能仲有呢。」明哥分析。
「點解我地次次都會有呢啲蝦綠野,唉咁轉頭等啦。」我無奈地道。

就係咁,我地嘅旅程就開始了。

我地到達西貢後,第一時間買晒啲食水同乾糧,之後去咗食個海南雞飯填飽個肚,就出發。
我地決定搭的士到西彎亭,再行去浪茄彎。喺的士站等待的我們,正在討論行程。
「喂,好似搭去東壩會快啲wo」

「但係喺西彎亭到落,再行過去,會刺激啲wo」
「就西彎亭啦!」

前方嘅情侶聽到我地之間嘅對話,報以一個微笑,並問道:
「不如一齊搭的士呀,我地都係去西灣亭嗰邊,又平啲。」
我和明哥互望,不約而同地說:「好呀!」
四個人上了車,坐在司機旁的女仔正關門之際,明哥遽然慘叫,顯露苦痛面譜。我一臉疑惑地望著他,心想發生了什麼事,竟發現他的手指被夾在車門的罅隙中。前方的女仔緊張地立即打開車門,問道:「你有冇事呀?」明哥望著被夾的三隻手指,不發一言。的士司機隨即問道:「駛唔駛送你去醫院呀?」
明哥冷靜地道:「a...唔駛啦,照去西彎亭就得啦。」女仔向明哥表示歉意,他亦固作Gentleman地說:「無事無事。」
途中,我們亦分享了彼此不少旅遊行山嘅經歷,而途經嘅風景秀麗,為旅程增添了些色彩。
落車後,女仔送了我們一條朱古力,作為明哥手指受傷嘅補償。然後,我們便各散東西,繼續屬於自己嘅旅程。
「憑著住我嘅受傷,我地嘅乾糧又多一份啦。」
我向他報以一個無奈的眼神。

沿途風光絕不欺場,可以離遠望到萬宜水庫與岩石之間嘅美態。到了吹洞坳,更加是一個考驗,因為我們要一邊手提著食物袋和營具,而這段是一條又斜又凹凸嘅石路。路途雖遙遠,但憑著我們的堅毅,還有若干路途就到了。

幾經辛苦,終於到了浪茄灣,而眼前有個營,睇嚟喺這個位就啱啦。首先,我地攞咗張防潮墊舖喺攤到坐,邊食薯片邊休息。可惜,天色不是太好,白濛濛一片。
休息過後,我地就開始搭營,為床墊和枕頭充氣,便入去休息,等待流星雨之夜。

未幾,天色漸昏暗,我地決定攞棧營燈出去冒險,只見山上還有光,應該是有人在行山。
「咦,你睇下嗰邊」明道
「oh fk,原來營地喺這到,我地擺錯地方呀⋯⋯」我說道
我們無言以對,心諗又睇錯日期,又擺錯地方。
天上一粒星都無,雲,全部都係雲。可能係因為未夠夜,決定晏啲再睇

遂,行完一輪,就入番營食晚餐,禁手機。可能我放鬆得濟,放咗個臭屁,啲味就好似臭豆腐一樣,既揮發又濃郁,明哥走音地憤怒說:「我屌!」此時此景,就好似電影《人在囧途》,有一幕王寶強喺床入面放屁,徐崢即刻彈起身,係咁郁個身,而明哥就係這個畫面。
過咗陣,個天都係乜都無,更何況流星雨。因此,我地決定瞓陣,再等。啲海風係入骨,所以瞓瞓下,被涷醒。而這個過程重覆咗好多次。
終於有一次,明和我頂唔順。
明說著:「不如攞出面張防潮墊封住個營頂,擋住啲海風。」
我硬著頭皮地打開營,攞防潮墊,心諗個天都係乜都冇,真係瞓覺算。拿拿聲封完,跟住就搵周公捉棋。

到第二朝,我地hea咗陣,就行去東壩,影咗啲相,之後搭的士出西貢,為今次短短旅程劃上句號。