話說前幾日去咗老麥幫小學同學補英文，幸運地俾我遇到兩個可愛嘅小朋友。

我和小學同學呀俊步入麥當勞後，便迅速尋找適合嘅溫書位置。坐低之後，我觀察周遭嘅人，睇到對面位置有位面帶疲憊嘅小學生，在媽媽的監督下，慢慢完成一頁頁嘅功課。

瞥見此場景，我不禁心裡慨嘆：「唉！宜家啲小學生真係慘慘豬。」

「呢啲搵同義詞嘅題目，點樣做會快啲？」呀俊帶著疑惑嘅眼神問我

「你可以mark低每個空位係屬於咩詞性先⋯⋯」

正當我向個fd子教授一啲閱讀卷技巧時，突然感覺到隔離嘅窗被拍打著。

我眼立刻從厚厚嘅筆記轉移到另一邊，原來是兩位小朋友。他們的臉龐上蕩漾起了既稚氣且甜美的笑容，頓時為我內心灰暗的天空，添加了一道彩虹。

遽然，他們拿起新一期的麥當勞玩具，把玩具緊貼著窗邊，盡情地玩樂一番，似乎要向我炫耀他們的「新歡」。我便向呀俊表示：「你睇下佢地！」呀俊露起牙齒笑說：「唔好理佢地啦，佢地父母都喺到，廢事俾人鬧啦。」我心諗：「無所謂啦，難得有細路同我玩。」

突然，有一想法在我腦中閃過。我便向呀俊提出：「如果我將手掌貼在窗，他們會否跟著我做？」呀俊那緊皺的雙眉豁然舒展，輕鬆地笑了說：「你試下。」

我把手貼在窗，期盼他們也會這樣做。不足一秒，他們一雙稚嫩的小手輕巧地貼在跟我手一樣位置的地方。這完全出乎我意料之外，令我會心微笑。呀俊看到此情境，禁不住捧腹大笑。我放低手，並叫呀俊：「你都試下啦！」呀俊一言不發，立即把手⋯⋯

讀者們，你估下佢地有冇再跟住呀俊放隻手落窗？

為了紀念這件事，我拿出手機與他們自拍一張，估唔到佢地又識望鏡頭。然後，我便重返溫書嘅「道路」，與呀俊繼續奔馳。

溫書期間，我又再次看到那辛勤地做功課的小學生，與剛才的情景形成很大對比，令我有啲想法想分享出嚟：

我真係唔希望那兩個小朋友逐漸長大時，開始要處理繁重嘅功課，補習和非自願性嘅課外活動，仲要面對社會環境嘅壓迫。希望藉著這個平台，同某部分的家長講：「除咗要子女處理學業之外，拜托你哋都要安排合適玩樂和休息時間，讓子女能享受這珍貴時光，開心童年係好重要㗎！」