我叫嫦姨，做咗三十年文員先俾人炒，做清潔洗碗我又捱唔住，
諗住搬間細啲嘅屋，慳番啲租，於是我喺討論區打「出租」。
點知出現咗個「出租女友」嘅Post，嘩，兩個鐘就收千五蚊，羨慕死我，
但係我五十幾歲人，出租阿媽就有我份。
果晚我無聊，就開咗個Post，講笑咁問有無人想租阿媽，兩個鐘五百蚊。
發仔：「嫦姨，你識唔識煮飯？我想租四個鐘，帶女朋友上你屋企食飯。」
我呆咗，估唔到真係有生意，煮餐飯就一千蚊？咁著數？
發仔：「我女友成日催我結婚，我係咁拖，佢覺得我唔認真，咁我咪帶佢見家長，等佢安心啲。」
我問：「點解你唔帶女友，見你真正嘅阿媽？」
「......我結咗婚，點可以畀阿媽知。」
果一晚，我唔單止要煮飯，同扮演「很喜歡未來新抱」嘅慈祥阿媽，
仲要講發仔嘅設計對白：「新抱啊，發仔成日話，想打拚多幾年先結婚。
妳唔好催佢住啦，佢都係想畀你最好嘅生活。
你放心，我認定你呢個好新抱，佢敢望一眼其他女人，我就唔認佢呢個仔！」
呢段戲真係聲情並茂，成功將一個包二奶嘅花心男，包裝成無腳嘅雀仔。
發仔非常滿意，事後畀多五百蚊貼士，後來仲有三奶四奶催佢結婚，佢都係幫襯我。
妳唔好催佢住啦，佢都係想畀你最好嘅生活。
你放心，我認定你呢個好新抱，佢敢望一眼其他女人，我就唔認佢呢個仔！」
呢段戲真係聲情並茂，成功將一個包二奶嘅花心男，包裝成無腳嘅雀仔。
發仔非常滿意，事後畀多五百蚊貼士，後來仲有三奶四奶催佢結婚，佢都係幫襯我。
我嘅生意愈黎愈好，亦有學生哥請我去學校見家長，
不過，幫襯得最多嘅，都係情侶檔。
吳小姐識咗個富二代，想同男朋友講分手，但又怕俾人唱嫌貧愛富，
就請我扮貪錢岳母，食餐飯，由幾錢人工、住邊、租定買、戶口有幾錢，都質問得一清二楚，
再加多句：「你咁鬼窮，點襯得起我個囡？慳啲啦。」
男方無雞脾食之餘，過兩日吳小姐就提出分手，話阿媽（即係我）唔同意佢地拍拖，
否則我就死俾佢睇，吳小姐為咗孝道，唯有忍痛分手，
真係孝感動天，話說我連吳小姐全名係乜，都唔清楚。
男方好嬲，唔係嬲吳小姐，而係嬲我呢個岳母，聽講佢仲寫咗篇文擺上網，
後來仲拍埋微電影，引來一眾網友譴責我，
唉，你地唔明，搵食啫。
真係孝感動天，話說我連吳小姐全名係乜，都唔清楚。
男方好嬲，唔係嬲吳小姐，而係嬲我呢個岳母，聽講佢仲寫咗篇文擺上網，
後來仲拍埋微電影，引來一眾網友譴責我，
唉，你地唔明，搵食啫。
好多人都認為，「見家長」就係代表承認另一半嘅地位，
甚至幻想見咗家長就唔會分手。
呢個美好嘅幻想，令我客似雲來，
講真，唔愛就會分手架啦，愛情根本無保險線，就算你見過玉皇大帝都係咁話。
有人問，如果兜兜轉轉，最後對情侶真係要結婚，
結婚果日，真阿媽會出場，咁女友咪會懷疑：「咦，我之前見過你阿媽，點解唔同咗人？」
唔係講笑，呢件事真係發生過......
