23年前，阿媽抱住我去拜神果陣，仙女賜咗張紙畀佢，話係睡公主嘅地址，
只要等睡公主瞓夠100年，再朗讀呢個地址，
就會開啟空間通道，去到睡公主間房。
我初初唔信嘅，但因為樣衰同窮，我單身咗廿幾年之後，
已經當呢個地址係救命稻草......救命公主。
而今日，就係佢瞓夠100年嘅日子，只要吻醒睡公主，我就會有個公主級女朋友，從此過住幸福快樂嘅生活。
我深呼吸，大聲朗讀個地址，眼前果然出現咗一條通道。
公主！我黎啦！
我踏入條通道，景象一變，變咗一間清裝電視劇嘅房。
咪住先，咁臭嘅？成間房瀰漫住酸臭味，好似積咗好耐無洗嘅汗臭衫，
諗諗下，佢瞓咗一百年，啲衫咪一百年無洗過？
唉，仙女教母妳盡責啲啦，呢一百年，都請番個鐘點工，每隔三五日打掃下。
愈行近張床，陣味就愈臭，
我捂住個鼻，望下我未來老婆有幾咁傾國傾城......咦，長面、細眼、單眼皮，咁似外國人揀果啲中國model嘅，我想要Angelababy果種樣！
貨不對版，我應唔應該吻醒佢？
唉，仙女教母妳盡責啲啦，呢一百年，都請番個鐘點工，每隔三五日打掃下。
愈行近張床，陣味就愈臭，
我捂住個鼻，望下我未來老婆有幾咁傾國傾城......咦，長面、細眼、單眼皮，咁似外國人揀果啲中國model嘅，我想要Angelababy果種樣！
貨不對版，我應唔應該吻醒佢？
正當我猶豫，睡公主突然打開口，呼出一口氣，
好臭！真係好臭！
早上起身，都覺得自己未刷牙個嘴有少少臭。咁你可以幻想下，如果你一百年無刷牙，到底可以有幾臭？
「嘔！」我個胃一翻騰，忍唔住嘔到佢成臉都係，
我一嘔，亦失咗平衡，跌咗落佢身上，咁岩錫到佢個嘴，
佢醒咗，瞪大眼望住我。
呢個「巧合的吻」，好似韓劇一樣浪漫，如果中間無隔住一灘嘔吐物嘅話。
佢醒咗，瞪大眼望住我。
呢個「巧合的吻」，好似韓劇一樣浪漫，如果中間無隔住一灘嘔吐物嘅話。
「醜。」呢個係睡公主見到我之後，講嘅第一句說話。
順帶一提，佢講嘅係嘅北京話，類似普通話但有啲唔同，我都要花下功夫先聽得明。
但人都醒咗，我唯有帶佢番屋企，
我以為，佢會震驚於現代化嘅設備，不斷問我電器點用，然後好崇拜我，一洗我岩岩嘅尷尬。
點知佢一去到我屋企，第一個評價係......細，好似柴房咁細。
唉，人地點都係清朝公主，住嘅唔係紫禁城，都係四合院，我住劏房啊！
睡公主學野好快，唔止學識咗廣東話、FB、IG、美圖秀秀，仲賣咗件首飾，買咗iphone、自拍神器......
