我諗每個入過戲院睇戲既人
都會遇過幾個鍾意一路睇戲一路講野既人渣。

我唔知究竟睇演唱會您隔離個陌生人大聲唱歌滋擾啲
定係睇戲果陣周圍有人傾計賤格啲
我一定揀後者！

話說尋晚我同一班朋友好耐無見
突然興起話不如一齊睇 詭屋驚凶實錄2啦
於是就去了。

由開場我既前排左邊已經有幾個o靚仔喺到傾計
我！最！憎！人！睇！戲！傾！計！
我已經百般忍耐，我相信人性本善
可能呢D小朋友傾兩句咖姐～唔好動怒住....

但我錯了！錯哂！
您知啦睇恐怖片好多時都會好靜，

喺呢啲營造緊張氣氛既時候，佢地就喺到講野喎！
我真係咩都縮哂，於是我shh.佢地
但世人係唔會咁容易醒覺咖！於是我shh左好幾次

但！佢地竟然依然無視我
終於我要爆發小宇宙，我講左句：喂要傾計出去傾啦！

講完之後我一方面為自己感到自豪
另一方面我有啲心虛。
大佬依家啲MK仔好恐怖咖，隨時有背景
於是戲院一開燈我即刻擰轉頭走人，廢事畀人尋仇。

/

關於戲院人渣，我仲可以分享多一件事

兩個月前我去左睇 我要做鷹雄
劇情大概都係講男主角努力參加跳台滑雪既過程
我同麥仔後面坐左兩個中年女士
佢地已經不斷傾計令我腎上腺升到頂點 已經shh左佢地幾次

好不容易去到高潮

主角準備要從90米跳台滑下（好快好刺激好緊張既）
然後！我後面果個中年女士居然張開口大嗌

「呀～～～～～～～～～～～～～～～」
就好似佢喺過山車衝緊落去果種長嗌
有刻我真係以為佢個位係特別版4D超動感 識郁咖！
（利申：套戲2D，另外兩個D可能係佢心口果兩個）

總括！我真係超級無法接受人類喺戲院嘈喧巴閉
（睇卡通片D細路講野 如果無踢我張櫈 我都會稍微接受既
）

去到呢啲位我真係好mean
我唔明點解我要畀錢入去聽您講野
更加唔明有咩野唔可以留番完場先講

識得鬧9人當街痾屎唔識排隊之前
香港人去戲院都可唔可以有番少少公德心。

下次您睇戲聽到有人喺到shh shh shh不停
可能係我，唔好尋仇打獲我。

/

圖為我最喜歡百老匯開場前既溫馨提示小短片
我識唱哂btw.

/

我的專頁：https://www.facebook.com/hkgirlfriend/