年年聖誕，總會見到有啲女生喺Facebook無病呻吟。
有啲單身朋友會post啲高登嘅經典聖誕毒撚圖，都有啲朋友會post啲風景相，話自己一個人都可以過得好快樂。
又或者post啲經典改編歌(例如其實毒撚一個人更開心、孤獨聖誕等)，加句：「今年聖誕係離開你以後第一個單身嘅聖誕，我孤單但我快樂。」呢啲濕鳩caption。
講到明聖誕節，有男朋友女朋友嘅人點會走去睇Facebook吖，寫咁大篇status咪又係比其他無病呻吟嘅人睇。
比其他無病呻吟嘅人睇有咩用？
喺啲毒撚眼中，講下左手右手post下聖誕毒撚圖，只係一種情感上嘅Demand and Supply。
向世界宣洩自己冇拖拍嘅不爽，向朋友嘅朋友發出雄性求偶嘅訊息，尋求一班同病相憐嘅朋友嘅認同。
尋求認同 + 放射負能量 = Demand and Supply，無錯呀，都好合理。
但係如果係由一個靚靚哋嘅女生出呢啲post？
作用就大啦。
野獸受傷以後都會透過互舔傷口作初步療傷，娘娘其實都係一樣。
受到情傷之後，娘娘都會上Facebook出post呻，呻完又呻、呻完又呻，不斷製造一個自己受重傷需要被可憐嘅弱小形象。
跟住就會有一班唔知幾時add嘅狗公們係咁留Comment。
狗公B：「Ivy需要傾訴嗎？可以找我。」
狗公C：「天涯何處覓芳草～」
......
呢班人可能從來入唔到娘娘法眼，平時可能真係連睇都費鬼事睇。
但係而家娘娘受到Player嘅傷害，一直而來嘅男女價值觀被Player損害咗，就需要靠一班狗公去重建返「男人係攞嚟收兵，唔係攞嚟愛」嘅價值觀。
你估娘娘見到呢一堆Comment會有啲咩感覺？
真係會當狗公A係「更加好嘅男人」？真係會搵狗公B傾訴？定係會恥笑狗公C打嘅濕鳩Comment？
仲駛諗？一定係恥笑狗公C。
娘娘都係女人，都會喺情場上嘅博弈入面越踩越深。
遇見一個出色嘅Player，往往會主動出擊，導致失去娘娘嘅天性，成為一個發情期少女。
所謂「Ball場冇真愛」，無論係中學聯校Christmas Ball，定係去蘭桂坊，識返嚟嘅男和女，大多都只會分手收場。
愛情來得太容易，去得也必然簡單。
滑鐵盧傷唔傷？梗係傷啦，價值觀嘅崩壞往往對一個女性嚟講係折磨，因為「重複地作感性思考」往往係一個女性最常做嘅事。
咩叫「重複地作感性思考」？
即係好似一個運用咗Recursion嘅Program咁，不斷將最一開頭function重複放入looping到，去到最後一啲結果都得唔到。
女人總喜歡不斷思考一啲永遠唔會得出結果嘅嘢，舉個例。
佢哋喺見到男朋友同另一個女仔有講有笑嘅時候，佢哋會不斷諗自己男朋友係咪有外遇，但係佢哋唔會去決定做啲咩求證。
直至到有啲fact可以比佢哋做依據，改變咗現有嘅thinking condition(思考條件)，先至走得出呢個loop，由感性思考進入理性思考。
要走出呢個不斷輪迴嘅陰霾，娘娘們必然要從根底著手，重建娘娘專有嘅愛情價值觀，改變thinking condition，製造出looping嘅出口。
年年聖誕，總會見到有啲女生喺Facebook無病呻吟。
從前，可能你會覺得呢個女生好可憐。
然而，而家我只會為呢個女生感到可憐。
點解？
因為好人好姐要靠一班狗公一日一百個一千個嘅發情Comment去建立自己嘅價值觀，真係好可憐。
所謂娘娘，咪又係生活喺Player同一班狗公嘅陰影之下。
要做佢哋隻兵？不了。
