吓?!聖誕節情人節條女唔陪你出街?肯定帽事既!
吓?!條女同第二條仔傾計傾成個鐘唔理你?帽事既!

我見過大把男性,一邊話寧教打仔莫教分妻,厭惡女性身邊D三姑六婆郁D就話條仔變左心;另一邊當條女做左D佢地睇唔過眼既事果陣,就郁D話帽事。
如果佢地唔係專登想睇人分手,恐怕就係講果個對留住女友既自信為零。
好多人唔知自己權利同義務去到邊。
無咁多野需要質疑,都無咁多野值得試探。

阿魚曾經同一條仔傾野傾好耐,都試過劈埋我係一二邊,同佢玩一隻我地三個都有玩既Online game。
身為一個酸過女人既醋酲,當時我淨係識發脾氣,縮埋一邊等人過黎道歉。
阿魚識得尊重人,但當年我唔識。

假如,你有同我一樣,有過無自信既諗法,請你諗清楚,係你自己了解段關係多D,定網上班花生友了解得多D。
如果你覺得花生友比你了解得更多,請早日分手。你而家唔分,早晚都會為段關係自挖墳墓。