筆者自古以來都係神聖不可分割既機迷。
同時又遇著一個幾乎同我一樣鍾意打機既半宅女朋友，都可謂冤豬頭都有萌鼻菩薩。
但係令筆者輾轉反側既係，俾條女係呢方面叻過我，仲唔止兩條街。

討論打機戰略係我地日常閒聊話題之一。
我地曾經一齊玩puzzle & dragons，但過左一兩年我地就散左，我意思係同隻game散左。
而家轉玩白貓之後，黎料啦。

「你D建築咁Q屎不如返新手村食蕉啦」

「點解你用埋D咁勁既角都可以奶地板？」
「你個死歐洲人，我幫你抽到萌角仲唔嗱嗱臨課返十零廿單俾我？！」

我既男性尊嚴就咁一日日支離破碎。
不突止，電腦方面我都唔多掂。
有日我火牛燒左。

「你拆硬碟做乜鳩呀，聽日等我上黎同你搞掂佢啦！」
「你係咪男仔黎架，連我都可以二十分鐘搞掂呀！」

「無咁大個頭就唔好戴Watch dogs 咁大頂帽啦！」

我腦羞成怒，係床上整到佢跪地求饒。好似係。
其實我懷疑，如果俾佢自己搖，隨時跪地求饒果個係我。

但係同有共同興趣既女仔隔幾晚戴住耳機一齊玩同一隻Game都係樂事。
反覆既刷寶行為，係有人陪住之後即刻變得樂而不疲。
尋晚我地出左件都算值錢既虛擬道具，果晚我們兩個興奮左好耐。

男同女唔一定要話邊個應該專職乜野。
用性別黎象徵特長已經係上世紀既事。

阿魚鍾意電腦，亦鍾意扮靚。
筆者鍾意寫文，亦鍾意……做全天下男人都鍾意做既事。

獨行千里，捫心問，只不過遍野風霜。
比翼同遊，誰再管，他人背後論短長。