唔知幾時開始，社會大眾就將「走堂、住hall、上莊、part time同埋拍拖」視為大學五件事，同一輩既人好中意互相問候大家有冇上莊、出左pool未、有冇番part time或者係有冇reg hall，但最重要既上堂讀書，就從來唔會有人問。其實入大學係為左咩野呢?有人會答你為左搵扮好工、為左玩多幾年或者係父母叫我去讀書，但又有幾多人會答為左追求知識?
當然，筆者除左上莊之外，樣樣都做足哂，但筆者同時極注重對知識既追求，因為大學係一個比人追求真理與道理既地方，而唔係單單供人享樂既娛樂場所。如果香港學生可以好似大作家郁達夫咁，覺得老師教既野係枯燥無味而成日走堂睇詩作、好似史學家顧頡剛一樣，因為不屑大學生成日刷老師鞋而走堂、好似朱格伯格因為搞生意而退學，咁樣我都無話可說。但首先學生要有偉人既思考同埋頭腦，咁先可以成功，但係我睇唔出香港有幾多個學生係咁樣。相反大部份學生會當大學當做性愛場所或者係避風塘，完全浪費幾年時間去換張畢業證書番黎。
最慘係呢班學生會覺得自己冇問題，仲要批評同埋恥笑呢其他用心讀書既學生。大學有一班人就係每日不停為自己既目標前進同奮鬥，有人因為想讀研究生而埋頭苦幹讀書，佢地以學術為自己既職業，希望成為大學講師或者教援，可惜呢個目標係香港只會被其他同學嘲笑同埋輕視。相反，當學生未來係想做督察、紀律部隊或者商科行業，同學都會報以一個支持既目光，及後成功考上，更加會因為呢d職業既薪金以報以一個羨慕既神情。相反有一班追求學術努力讀書既學生，就會被人叫做書呆子或者係書蟲，除非好靚仔，否則只會係分組既時候被記得存在感，其他時間都會被當作玩笑或者被人遺忘。佢地通常會同毒撚兩個字掛鉤，因為佢地會被認為唔識去玩，只係浪費時間去讀書。
香港學生對於大學時代努力讀書既人唔會欣賞反而會當佢地係傻仔，或者笑佢地唔識得人情細故，出黎做野果時一定死緊。追求知識已經成為次要，最重要既係人際關係，有關係就算冇學識都唔緊要。佢地講既或者係事實，係香港一係讀書讀到好叻，否則讀到幾叻但係讀唔到上研究生或者博士既人，只會成為香港學生既笑點，被人笑唔識同人溝通，死讀書冇用，做咩唔用讀書既時間搵錢，冇人會欣賞佢地既努力。
同學之間會因為part time搵既錢而互相比較，有人教補習班搵錢仲可以多過大學既part time 講師，但佢地只係一個大學生，相反講師已經係花上唔少既歲月去研究學術，但最後既結果就係搵朝唔得晚。A同學因為B同學一個月補習搵成萬蚊而好崇拜佢，但唔會因為C同學好努力讀書，GPA爆4而崇拜佢。或者A同學只係話C同學好勁啊，佢人生係唔係得讀書架咋之類既說話，但永遠都唔會真心欣賞佢為學術既付出。
大學生入得大學，做咩當然係自己選擇，但要記住千奇唔好嘲弄身邊沉醉於學術既同學，因為佢地先係真正既大學生，大學就係一個比學生求知識既地方，而唔係一個娛樂場所。千奇唔好以自己有幾多日DAY OFF為榮，因為冇DAY OFF，成日讀到爆CREDITS既同學係出於對學術既追求，想讀自己中意既科，拓寬自己既眼界。
雖然成日有人話「讀萬卷書不如行萬里路，行萬里路不如閱人無數」，但無書本上既知識，眼前既萬里路同埋千種人對你係毫無特別意義，相反當你有左基礎知識之後，就知道每個人同埋社會既關係，探求萬里路同埋千種人既獨特意思，因為理論是將軍，實踐是士兵，兩者缺一不可。
當然，有種人又讀得書又玩得放，但都請你地記住唔好睇唔起依班真心沉醉於學問既學生，因為學術呢條路係付出
