《我係一個一無是處嘅中三學生》
前言:
望住呢一個地方，望住呢一個海景，望住呢一條萬人空巷，望住呢個日日都會變嘅香港，望住呢個醜惡嘅世界。我好慶幸自已依然係一個中學生，可以盡全力耗費我呢一份青春，因為我知道，當我地呢一代行出呢個社會，就會受到各方嘅壓力，每日都喺office日做夜做。雖然你會覺得我呢個諗法只係想逃避現實，逃避我地嘅責任，但你有冇諗過，呢個社會正正就係咁扭曲呢？
大家好，我係Mr.𝕞，一個平凡不過嘅中三學生，我每日都重覆住同一樣嘅生活，平日就係返學、食午飯、等放學，每日放學後面對住堆積如山嘅功課，都會有一種就快要窒息嘅感覺，我相信睇緊呢篇文嘅你亦都身同感受啦，所以平時假日我就喺屋企做個典型宅男（三步不出閨門嘅feel）。呢一種機械化嘅生活，似乎已經成為都市人嘅日常，每日放學後面對住堆積如山嘅功課，都會有一種快要窒息嘅感覺，再加上唔夠一兩個月就黎一次嘅測驗同考試，心血少D都真係會爆seed。呢種壓力唔係個個人都能夠承受得到架，所以當讀者們壓力大個陣可以諗下我嘅文！希望大家睇住我呢篇嘢，食住花生，飲住汽水，可以開心D笑返下啦！香港人加油！
呢篇文包含住我最最最真實嘅生活方式同寫照（好重要所以講三次），亦都包含住唔少學生同早已經投身社會工作多年嘅香港人嘅寫照。當中有笑有淚，有血有汗，不過中到大家笑點個陣記住開懷大笑，千祈唔好收埋收埋啊！去到大家嘅淚點個陣都要真真正正咁去喊一場，情緒有陣時呢就係要爆出黎嘅，適當個下就要記住爆，by the way千祈唔好話比人知係睇完我嘅故仔先咁做啊，我唔想比人秋後算賬：）冇計啦做人最緊要有自己嘅風格，我講嘢就係咁直，唔gur嘅可以搵我打我一身，隨時奉陪喔～
如無意外，我呢篇故會連載係IG，@mr.m_storypage，大家多多支持，有意見一定要提出黎，我一定會盡力改好，希望睇到第一版嘅你可以比個like我！！