好多女仔都話驚男仔悶，有啲男仔又會擔心自己唔夠風趣幽默，悶襯女伴。以小女子既愚見，男仔冇話悶唔悶，只有個女仔愛唔愛佢。
同呀媽閑話家常，傾下超市減價隔離師奶個仔點點點；同姊妹談心，交流打工仔心酸史講下男朋友壞話。大家傾下平日無聊生活，對話唔係最精彩，佢地唔係最有趣既人。但有心既話，你會係對方既説話尋找有趣既地方再俾反應，繼而有進一步既討論，而這都是愛的表現吧。
男仔興致勃勃講解你一點也不了解既領域，你愛佢既話，你見到既係充滿熱誠、閃閃發亮既人；你唔夠愛佢，你見到既係一個悶蛋、同你冇共同興趣既人。
曾經有個我非常喜歡既男仔（書呆子一個），經常影佢既作業俾我睇，我完全睇唔明，但明白佢行為背後係想我多啲知佢做緊咩。我每次收到都好開心，覺得佢好傻氣好可愛。
同一個沒有很喜歡既男仔約會，男仔同我講啲同我比較切身既事，例如係環保政治議題。我會留心聽，但心裡有個聲音：他媽的，雖然呢啲好重要，但約會可唔可以輕鬆啲轉下話題？
沉悶，可以係認真踏實；
有肚腩，可以係有安全感；
冇上進心，可以係仲未揾到目標。
你愛佢，佢就咩都係；
你唔愛佢，佢就咩都唔係。
無可否認，風趣幽默既人會較受歡迎。但講到愛，外在既特質都係自己幫自己搵既理由。真愛冇得解架。你又點睇？
.jpg)
