文：B612（http:///www.facebook.com/b612lpp）

（男性角度）

我無諗過，一齊咗咁耐，佢竟然會咁對我。

呢啲嘢洗唔洗周圍唱呀？驚死人唔知佢未來老公唔得？……定抑或，佢根本已經無打算同我結婚？

我發誓，一直都無問題架！ 唔計頭幾次我太緊張起唔到機，同埋真係得咗之後又有幾次太快射之外……喂咁，咁平時自己用手同真係放入去喎，點同姐！第一次被一團好緊好熱嘅肉包住，好難忍架嘛……

佢平時一講到床事，一定會數勻晒佢班friend條仔點勁點勁，玩咗咩花式，一晚幾多次……所以開頭，我每次都緊張到標晒手汗，仲唔一定次次得。然後佢就會用個好委屈嘅樣，好聲好氣安慰我：「唔緊要啦早啲瞓」。但嗰種幽怨同嫌棄嘅眼神，每望我一秒，就好似將我嘅尊嚴值倒扣一百咁。

我唔可以衰俾佢睇。

我成日問佢，可唔可以試吓新招式，或者新地點，換過件性感內衣都好丫？但佢硬係暗示呢啲花邊嘢唔重要。但自問次次見到佢一嘢除晒衫瞓喺床，一副等做婦科檢查咁嘅樣，我成個腦就會好亂，唯有一邊召喚啲AV女優輔助吓，但一邊又諗起佢點讚自己啲friend男朋友幾勁幾勁……

不過通常我都幸不辱命，每次都交到啲貨仔，起碼都有十分鐘。不過去親見佢啲朋友，我總係凝住班八婆見到我就陰陰嘴笑，講句嘢都有骨。但問佢呢，又話無講過出去！最慘係連佢哋嘅男朋友好似都唔多想同我講嘢，睇我唔起咁。

你知唔知雄性群體入面，用乜嘢去顯示權力呀？係性能力呀！而家咁樣唱我仲洗做人嘅？明明我搵錢多過嗰班仔，噓寒問暖做到足，個個月紀念日都同佢慶祝……做男人做到我咁都算係咁啦！憑乜嘢狗眼看人低？

唉總之，佢無啦啦當是非咁講俾啲姊妹聽就唔撚啱啦！我嗰次只係太大壓力咋嘛……

話說早兩個月，佢煞有介事咁同我講，唔撚記得邊條女個男朋友，喺峇里搞咗場性愛旅行，獨立度假屋，無敵海景，日搞夜搞 。

得喇，我明喇，收到晒。

於是上個月，我訂好晒去台灣嘅溫泉酒店，湖景房，諗住今次啪返鑊甘嘅，做返場好戲俾佢睇！前兩個禮拜仲特登去做幾次gym，直情係連咸片都唔敢睇，怕用晒啲子彈，唔想虛發。嗰晚一沖完涼出嚟，佢咩都無著，我即刻抱佢埋床到，係咁摸同錫勻佢全身……咗十幾分鐘之後，依然，係咩動靜都無。

我越嚟越淆，而佢就越嚟越掹憎。終於，佢使出一道殺手鐧 —— 佢以前打死都唔肯 —— 幫我吹。嘩，原來用口同用塊肉又係另一回事，我完全受唔住，唔洗一分鐘就爆咗。佢嬲到痴咗線，幾乎想訂機票即刻返香港。

「試多次丫？我保證，今次一定得！一係我哋今次試吓去露台？」
「算啦……其實諗返，我哋好多嘢都唔夾，我諗我要冷靜吓。」

我已經好努力，但永遠只係單方面嘗試，有用咩？一隻手掌拍唔響。佢根本無欣賞過我嘅付出……點解我哋唔可以好似對正常情侶咁，一人行一步，永遠都係要我就佢呢？

望住我個未婚妻，我真係唔知條路可以點行落去。

＊＊＊＊＊＊＊＊＊＊＊＊

文：求其花（http:///www.facebook.com/whateverfa）

（女性角度）

我從來未見過一個男人，好似你咁鹹濕，同時又咁有心無力。

每次見面，只要係有床嘅地方，你都一定會撲上嚟搞我，錫完一輪之後，你就會話你今日狀態幾好，想試下做唔做到。

然後我就有排忙。

大家搞到㷫熻熻，你信心十足咁話今次一定搞得成，結果掂極都無反應。然後你又例牌抑鬱咁嘅樣，我要即時收起所有失望，幫你諗藉口打圓場 ── 返工太攰呀，狀態唔好呀，我唔夠吸引力呀……為咗顧住你面子，我每次都要強調自己都唔介意，同你唔係為咗性而一齊架嘛。

事實嚟架喎，其實你一直都對我幾好，我plan定嫁比你啦，呢啲事我未至於放到好重。但當我次次都要半途收起啲慾望，生理上照顧咗你，重要照顧你感受，諗邊句講邊句唔講，我講錯一句，你打後三日心情就會好差，氹都笑唔出嗰隻。

老實講，我大壓力過你。

同一件事發生太多次，直到我諗唔到有咩藉口，我每次都會話因為我唔夠吸引力掛，我本住男女朋友大家無計，所有野都係我問題，費事你又亂諗野嘛……

「唉，你又唔主動啲，攤屍咁，婦科檢查咩……」我將自己擺上檯嚟幫你打圓場，點知你真係屈得就屈，又話我似做緊婦科檢查，又話我唔識買啲情趣內衣黎輔助下，女仔都要面架，你會唔會太過份？

啖氣我最後都吞咗，我試下全心全意配合你，終於有啲起色啦，起碼終於叫硬到我可以勉強用手幫下，點知掂一掂你就直接噴晒出黎，我成手都係。

你笑得好尷尬，我無話可說。

終於我忍唔住同我朋友阿怡講呢件事，佢唔直接答我，笑晒咁遞本書比我。我睇睇書名，知佢咩意思，一場姊妹咁樣嚟笑我都有嘅。當我信錯人囉，總之件事阿怡就同我揚咗俾啲三姑六婆知啦。

你估我想架咩？我都好大壓力架！我可以同邊個講呀？你？你啲朋友？定係我應該直接問Auntie你個家族係咪有咩遺傳病史？

「喂你啲Friend當面叫我含羞草呀，乜嘢數到三就放手呀！你有無搞錯呀！周圍同人講！」你發晒脾氣，又係我受委屈啦。平時你又要問我啲朋友嘅男朋友床事有幾勁，咁我都係照直講姐，人哋聽我問得多，想嚟了解下你，你又要我暪嚟暪去。

其實我暪咗架啦！掂一掂你就出，出完縮埋一舊。如果數三聲我先放手，啲野喺我手度都乾晒啦……

咁呢幾句我當然無講出口啦，重嫌你唔夠嬲咩。

之後你嘅表現有好轉返少少嘅，如果做足九分鐘前戲，你都會有一分鐘時間係真係入到，磨到幾下叫到真係做到愛，起碼我從此唔洗擔心嫁咗比你連仔都生唔到。

早兩個月，阿怡個男朋友喺峇里搞咗場性愛旅行，獨立度假屋，無敵海景，日搞夜搞。聽到我都心郁，我真係無預咗你會上心架，但見你二話不說就訂好去台灣嘅溫泉酒店，我當堂開心晒，其實我都好易氹喳嘛。

我男朋友係最好嘅！搵錢又多！

喺台灣都叫玩得開心，沖完涼我咪自己識做，唔著衫出黎俾個驚喜你囉。你即刻抱我埋床，一副餓鬼嘅樣。我見你今晚狀態幾好，又氹得我開心，咪用口幫下你囉，個個都睇死你，我唔信你真係唔得。

五、四、三、二、一。

我成口都係污糟嘢。

「試多次丫？我保證，今次一定得！一係我哋今次試吓去露台？」你重好意思講想試多次，我好嬲，嬲到個腦一片空白，已經諗唔到任何野。

我望一望你，又諗到阿怡，再留意到自己依家吐都吐唔切嘅狼狽樣，忽然間，我覺得好辛苦。

「算啦……」我唔記得之後我答咗啲咩，想冷靜下掛。

你竟然真係俾我冷靜下。

當一啲好基本嘅野都保證唔到，重諗咩幸福近定遠？忍得太耐，你愈努力去證明你係得嘅，我愈努力去證明我哋係正常情侶，反而大家愈嚟愈辛苦。

望住我個未婚夫，我真係唔知條路可以點行落去。

（第二集完）

【如果一個成日比人當係男人嘅女作者，同埋一個成日比人當係女人嘅男作者，真係反串去寫兩性話題，到底會有咩火花！？《我唔想同你結婚》系列，兩個角度，兩種文筆，寫出男同女嘅矛盾。鍾意之外，重有幾萬樣野要諗......

記得like page追故！】

求其花：http://www.facebook.com/whateverfa

B612：http:///www.facebook.com/b612lpp