講故事之前 我有D野想講 發下噏瘋
好多時候 我地都會將目光放係愛情同友情度 而親情永久都放最後
人好奇怪 愈難得到既野愈想得到 已經得到既野卻唔會好好珍惜
我唔係一個乖仔 好多時候我都只會顧自己 而忽略屋企人
所以我寫文除左為興趣 亦為提醒自己 有時候要對屋企人好一D
比卡超進化既故事好好睇 多啦A夢同大雄既經歷令人好感動 Ben and Elliot既互動好過癮
但係卻唔好唔記得 我地可以睇到呢D野 學到呢D野
全靠背後 有一位花師奶 同埋一位花老爺
別怪他 別怪他
聽到呢一句歌詞 相信太部份人諗起既唔係吳卓羲
而係哥個口大大 成隻雞蛋咁既花師奶

無海賊王既熱血 無keroro既畫風 無寵物小精靈既各種絕招
無可歌可泣既愛情 亦無賺人熱淚既友情
只係好普通 好寫實咁將一個叫做"家"既故事 演繹出黎
我地會有個因為一句"呢樣餸好好味"而煮足同一味餸既花師奶
亦有個飲醉酒就會亂咁買野番屋企既花老爺
而自己 就好似花帶柑 花帶桔咁 想高又高唔到 想瘦又減唔到
由當年叫花帶柑 花帶桔做哥哥姐姐 到依家叫佢地弟弟妹妹
依家睇番呢套卡通 仍然覺得好好睇
有好多卡通 已經不在屬於我了
唔會再追數碼暴龍 甚至連Tri都唔想睇
亦唔會再研究新既寵物小精靈 或者改口叫精靈寶可夢
但呢個叫做家既故事 仍會令人好有共鳴
至少除左別怪他 別怪他 別在傷心對吧之外
我仲知道
{We are family 無聊日子 都有意思}
{是我家 笑吧 歡笑吧 溫馨我家}
https://www.youtube.com/watch?v=pHXtlEgfzho
.
.
.
如果喜歡我的文章 歡迎到我的Facebook點個讚
你們的讚好 就是我最大的動力
讓我在追夢的路上 有你們的陪伴 謝謝