我由細到大都好鍾意打機，你講得出既online game我都一定會玩過下。但由高中開始轉左玩英雄聯盟，一玩就停唔到，但其實作為一個女仔，鍾意打機係有幾樣野煩。

大家都知打機男仔多過女仔，作為一個女仔，打機果陣身邊實有好多男仔。有男朋友既你，男友一定會呷醋。“又同佢玩啊？ 好開心咁喎“

如果有時你打機（唔小心）勁過佢，你當下一定好難做。“哎呀~ 我負碌姐，唔係一定輸俾你啦！“ 然後你覺唔覺就算你點兜，你都feel到佢面有難色。

再黎，打得機多，有時同朋友傾計時會唔覺唔覺講左術語，例如：“好攰啊~好想TP反屋企..“
然後你果啲唔打機既朋友就會心諗你條友又up乜春。 當然如果你同我志同道合，就會明。

另外，唔知大家有冇發現，打得機多果排，你啲中文係會差左，個腦轉得太快把口跟唔上。然後我朋友就會問（串）我，“你係咪體育老師教中文？“

有時我打打下機，一個灰mon 就會"diu"出聲，咁有時俾人（唔係我）雷起上黎係會嬲嬲地嫁啦。“女仔唔好咁粗魯“ “.........“

打機都係為開心，有人覺得你奇怪，放假屈係屋企打機唔出去行街，成日同班男仔skype，有咩咁好玩咁開心。

有人選擇出街行街睇戲食飯尋開心，我只不過選擇係家打機尋開心，睇你點取捨。