無論由入讀小學定中學開始，大家最關心既一定係想識好多朋友仔。但有冇屋企人成日話你，點解你無一個‘固定朋友‘？

我個人比較鍾意同年紀大既人玩，我相信有部份人同我一樣，唔知幾時開始，我同一啲同年 或者細過我既人係唔會做到朋友。

我一小學畢業，狗衝想入女校。問我點解？
咪就係小學果陣，啲無聊人成q日係到講邊個鍾意邊個，又話佢鍾意你，又唔知點解吹吹下吹落我到。我實在唔敢想像入左男女校會點，一定好麻煩，會有顧忌。
當我上左中學幾個月，頂一聲，真係乜女仔都有。大部份人思想仲停留係小學階段未訓醒。我有嘗試加入佢地既話題，但我成日有個覺得唔夾，講真果句， 我成日聽到有啲人講完啲野，我會心諗 “小學雞“，“好on9“，“幾多歲啦你“ 。 （唔好問我點解中一識講粗口）

可能因為個人比較獨立，講既野諗既野都俾同年紀人成熟，不知不覺，中三既時候開始同一啲留級既人friend左。

屋企人第一時間會諗，“你果啲咩朋友，留級？唔好再同佢地玩啦“ “會學壞“ 。 我明白為人老竇老母係一定會擔心。但正正因為我識到佢地，先能比較到什麼是好什麼是壞。

我果個所謂既固定朋友，大家生日果陣係會唔記得對方生日，然後每年總會係你生日後一個星期講大約同一段既說話：“屌，你前排生日，生日快樂，幾時出黎食飯，完“ 如果佢記得你生日而同你講生日快樂，你反而會心諗佢做乜9咁都記得，然後笑餐飽。 每個月可能一次都約唔到出黎，因為人越大，大家越忙。 但每一次出黎然後反到屋企都會有六舊腹肌。

其實，朋友多並唔表示你一定快樂，只要自己同佢相處既時候你覺得輕鬆無顧慮，朋友一個已經好足夠。你有冇發現人越大，留下來既朋友越黎越少，到最後仲係你身邊陪你一齊癲一齊喊既果一位，就係你真正既朋友。

當你睇到呢到既時候如果你腦海浮現左你果位朋友既樣或者有佢個名，請大家好好珍惜佢。

然而我老母日後間唔中見我放假係屋企打機唔出街，又問“你無朋友既？都唔同朋友出街既！你地唔約既？“ -$-$；／$+“既既既既既？？？

其實丫媽，我好多時放假都同緊我果位朋友打機。