有人話，肯捱m記既女仔先係最gfable。
每每聽到依個句，我真係笑而不語。
其實，肯同你食譚仔既女仔先係最好。

之前上網睇到依幾段說話，我都搖頭否定佢地既睇法，暗嘲佢地唔明女仔既心態。不過，我以前都唔明。
「有咩方法令女朋友唔再鍾意食譚仔？」「佢出親街都迫我食」
「未試過有一間係難食過譚仔」「求其一間米線鋪都好過譚仔」
食譚仔，唔係在乎於味道依d咁表面既野，而係裡面既含義。

「懶肉窄醬找搞糊罅實小」係我女朋友最鐘意識既combo。
曾經年少無知既我，都同你地一樣唔明點解佢咁鐘意食譚仔。

所以我，選擇左去問佢。

「婷，點解你咁鐘意食譚仔既？」

「有得揀食自助餐，你仲會唔會揀譚仔？」佢問

聽到之後，我即刻無名火起：「即係厭我窮啦！」
個時既我，心入面有千萬句怨言。
但係，其實我知道，佢唔係d貪慕虛榮既女仔，佢咁講實有原因。

「傻佬！
你估真係有女仔咁鐘意食譚仔咩。
佢地食譚仔，通常都係為左一個人。
或者咁講，食譚仔，可以解決好多問題。

見到你放工成個人攰到咁，唔通仲問你去邊食咩…
譚仔，就係一個好地方。

唔洗諗又飽肚。

知道你有時比父母逼得好緊，又想儲錢結婚，唔通仲要求日日大魚大肉咩…
我知道，你對我好好。
而食譚仔，只係我一個回報既方式。

我知我係醋塘，成日話你係條街度睇女仔。
我都有時知道自己好煩…
所以，譚仔就解決左依個問題。
serve我地既全部都係鄉音auntie，我諗你就算睇得上都唔會食掛…

當然仲有其他原因，但我唔會講，因為講左就唔靈嫁啦！嘻嘻！」

此時此刻，有個咁好既女朋友，又夫復可求呢…
食譚仔，唔係為左個味道，而係細味當中既情感。
同佢既情感。

我愛你。