唔知有冇人同我一樣
對住依家既香港 由失望變成有希望 再由有希望變成絕望
可恥既係 令人覺得絕望既唔係中共政權
而係正正處於水深火熱之中既香港人

由08年開始 反共思潮擴散
有人討論 有人依然港豬
不過唔緊要 所謂萬事起頭難
當時有人提出We are HongKongese. HK is not China.既觀念
其實係好令人鼓舞

再到hktv 831等集會
開始覺得香港人終於醒覺
知道香港人係唔會向強權屈服

即使係要生活 但點樣生活 係由我地雙手決定
遇到唔公平既 就要手牽手保護香港既核心價值
我相信好多人係由個時開始關心時事 包括我

雨傘中前期 幾乎我所識既反共朋友
都會用自己方式企出黎
細既 會去行一圈 用雙眼去見証歷史
老既 會不斷補給 用自己既經驗幫手
有氣有力既 會去前線 保護背後所有既人
不論當然你係鍵盤戰士 前線義士 實戰學生 定fb軍師
至少 你有參與過 更加唔會魚蛋論內鬥
at least每場戰事大家各司其職先會成功

去到補選魚蛋之後

你會發覺昔日既時光係唔同晒
依家既高登 不斷內鬥 理得你係熱狗定青政 其實大家既目標只得一個 就係想香港好 但結果呢？好似依家咁。
最好笑既係有人連要翻工，不了都講得出。
講真 假如你唔係對香港冇希望 或者係弱智既 真係點會講得出
前線插大台 泛民插暴力 港豬繼續港豬 高登仔食花生
明明一場革命 最緊要係要團結
依家呢？
歌仔都有得你唱 一枝竹仔易折彎 幾枝竹一扎段折難
你唔團結 係要私怨 咁不如曬9氣啦 仲講乜春革命

其實講咁多 全部都係香港人既劣根性
令到香港陸沉既 就係香港人

不過點都好 生於斯 長於斯
我依然係香港人
你呢？