.jpg "《一個女兵的自白》")
睇返從前當兵同你既短訊，我好想嘔。
我係終極煩膠，提點你做野辛苦要記得透下，天氣涼要着多件衫，病左幾點要食藥。我吾想比你媽更長氣，但我冇資格同你講我愛你，唯有用呢個方法關心你。
我千方百計要你留意我。你若我對冷淡，我耍各種手段，換profile pic引你注意，扮病扮可憐，同其他男仔親蜜好等你妒忌，只係想博你多D諗下我，吾好吾記得我。
我拋棄左原則。你有時講咸濕野，內斂既我去配合你講D我平日吾會講既野。你想kiss下拖下手仔睇有冇feel，我冇名冇份地同你試。我其實吾係咁隨便，只係想同你有更多交流。
我面皮幾吋厚。你話我對你太認真太痴身，呢D難聽既話將我狠狠傷害，我理應要嬲。但我扮冇野，隔冇耐就嬉皮笑臉text你，彷彿事情冇發生過，因為我怕我一嬲你會吾睬我。
我變得卑微。我地既話題永遠圍繞你，你返工又比老細鬧，同fd去邊度打邊爐，睇波撐邊隊等。我都有工作不順，我都有日常生活想分享，但對比你既事，佢地變得微不足道。
人家一朵鮮花插在牛糞上係非常可惜，而我不做鮮花，甘願做你腳下既牛糞，冇人會可憐我，連你都睇我吾順眼。難怪我會想嘔，因為成件事實在太噁心。
今日已重拾尊嚴，但回想我昔日既所作所為，我想吐血。 多希望有生之年都吾會再見到佢，萬一見到佢我只想揾窿捐。
當時我以為我為愛而瘋狂，因為驚冇左你而不惜一切。 但你根本吾稀罕呢種付出，而我從來冇擁有過你。只係我吾願意承認，為左同你保持接觸，連尊嚴都拋棄。我沉淪係短暫既歡愉，一次又一次地賤賣我的尊嚴。我笑中帶淚，一啖沙糖一啖屎咁呑落去。
或許暗戀係悲傷既浪漫，或許失戀係心碎既回憶，而做兵只係人生一大污點。天大地大，轉移對象吾難，但樽鹽只有一瓶，倒左就算裝返已經變質。
作為過氣既女兵好想提醒大家，做兵既你好之為之；有朋友做兵既你都麻煩幫幫手摑醒佢。
.jpg)
