朋友群入面 總有一個特別中意醉既人
路飛既海賊團係我地朋友圈既一個縮影
有個中意音樂 有個中意溝女 有個中意電子產品 有個中意吹水
仲有一個 中意飲酒
食飯飲親酒都出事 因為一定會醉
有時亂打電話比朋友 有時用湯匙食雪糕 有時呼天搶地 有時係地鐵席地而坐
做佢既朋友 送佢番屋企一定要打醒十二分精神
係呢個訊息傳遞咁流通既年代 我地都好怕成為youtube片中既配角

不過有時候 一大班朋友咁樣癲一晚
其實 都唔錯係咪?
想當年係班房手握陀螺既小男孩 都變成大人了
如果依家再圍埋一齊講 Ready shoot 既話
就會被稱作幼稚吧?
男仔好幼稚 圍埋唔係講打機就係女
有人好中意打機 有人好中意FF有女
但係恥笑完對方ON9之後 轉過頭又會ON9埋一份
咦你玩埋D咁既傻仔Game 幫我申個AC啦快D
頂魯芬你都Follow 個Id係咩呀比埋我啦
係呀兄弟就係咁 以前係咁 依家係咁
將來 希望都係咁
好朋友 下次我地再飲過
唔係 應該係話下次我地望住你再飲過
{想 當日落堂遊玩散心 來扮過 怪獸大戰超人}
{從前開心得多 成長的傢伙 逐處耍樂也都不錯}
{只盼像昨日你共我度過 讓美夢如最初}
https://www.youtube.com/watch?v=vp_ci3aDlGU