序

豬系我收養的第一個小朋友，之後陸陸續續還有其他小朋友加入，做左豬隊友，有離開，有開心，有傷感。豬兩歲時黎到我屋企，陪伴左我十四年半，上個月離開左。呢五千幾日既日子，好似輕輕一陣風甘飄過左，留低一朶朶白雲既印記系我既心裡面。雖然我地唔系咩大富人家，豬亦都無做咩大事，但一家人都以豬為中心甘維繫在一起，每天分享佢既每件小事小趣，打打鬧鬧，誠惶誠恐。每天就系呢D小小確幸讓豬陪伴我過左佢既一生，回憶充滿住佢對我地奉獻左一生既愛，我永遠唔會忘記。其他小朋友陸續出場亦搞出不少笑話同蝦碌，我好感恩我既生命裡面遇到佢地，雖然唔系個個都好似豬甘靚女😁，但佢地對人表現出既忠誠同愛就好似一個個小天使，趁著呢個機會我都想一一紀錄落黎，分享卑其他朋友知道領養返黎小天使可愛既一面，同時亦想通過呢Ｄ紀錄同回憶感謝豬同其他小朋友遇過既好人好事，比如獸醫兼心理醫生陳叔叔，自發幫倉狗絕育既兩位靚女，網上討論區認識既中醫朋友，照顧被遺棄動物既團體等等。

豬，我們有一天會再見的。