今個星期五因為機緣巧合去了一個分享會
聽左好多來自不同背景既人分享佢地生命中既煩惱
當中有句說話好似當頭棒喝，呢幾日都不停縈繞住我

「錦上添花，好容易；雪中送炭，好困難」

有時候對家人，對情人，對朋友都一樣
要分享對方既開心幸福快樂正能量真係好容易
但要承受對方既負能量傷心難過時，就好難

或者係我地自己生活入面已經有好多自己要過既關口
每個人每日都已經擁有大小不同既煩惱
當要連續幾日承受埋另一個人既煩惱時，我地就好容易想退縮

要一齊開心做對酒肉朋友好易
要無條件聽您吐苦水陪您走過低谷好難
想想我自己，我諗我都曾經試過
朋友失戀，開頭一星期都好努力去安慰
去到第二個星期，第二個月，對方仲講緊一樣既說話
仲係一蹶不振既時候，我都開始失去耐性想逃避
我諗我都不是一個懂得雪中送炭既好人。

所以我還是在學習
學習要為身邊的人雪中送炭，
在他們難過的時候，要伸出雙手擁抱他們和他們的苦痛。

希望學識 當您最快樂時替您高興 當您要放任時賜您反應

/

我的專頁：https://www.facebook.com/hkgirlfriend/