<每個女仔心入面都有一個張申然>
我諗每個女仔心入面都有一個張申然，佢外形唔差，有D壞，有D蒲，有D花花公子，佢自稱為無腳雀仔，妳曾經好天真咁以為地球男有一日會為妳停落嚟，做個一千零一個嘅火星男，可惜，只係妳以為…
同佢一齊妳好開心，好Sweet,每一日都會充滿驚喜，個陣好傻好天真嘅妳想永遠同佢一齊，甚至計劃過結婚生BB，其實妳明知，明知張申然唔會為一棵樹放棄一個樹林，人總係犯賤嘅，明知愛這種男孩子，也許只能如此，鬧交、分手、復合無限LOOP……
「信我呀！最後一次，真係冇下次呀！我唔會再同佢聯絡。」
有一日，妳覺得好攰，於是的起心肝同張申然講最後一次嘅"分手”。
始終沒有成為他最牽掛的一個女子。
……
幾年後，個個曾經當年妳好愛好愛嘅男人约咗妳出妳，同妳講結咗婚，最尾都係離婚收場，佢同妳講，可能當年妳講得啱自己真係唔適宜結婚。妳望住面前尼個男人，經歷過婚姻失敗嘅佢好似成熟左，妳飲左啖红酒，冇再出聲，心諗，屌，原來到而加我都仲好愛張申然E條粉腸……
妳係到諗，如果，好多如果出現左，如果當年你地冇分開，會點呢？掉轉頭諗，如果同佢結婚個個係自己，又會點呢？會唔會結局都係一樣，或者會有Happy Ending呢？個一晚妳同佢都好沉重。
「為何永遠放不低？
為何錯愛這一位？
你最近還好嗎？尚愛蒲吧嗎？
幾年沒露面夜生活還豐富嗎？」
張申然，咁多年我一直都放唔低，無論方啓宏做幾多嘢，點努力都好，始終都取代唔到你，唯獨你一個是不可取替，是生命裏的一切。有時，真係覺得自己好傻，成日話要搵火星男，好啦，真係遇到個陣又唔識珍惜，又掛住以前個個…！啓宏向我提出分手，佢選擇左春嬌，大概係尼個女仔同啓宏一樣追求安穩，而我就係鐘意同你個種刺激感，個種愛得到吻不到嘅感覺掛？
張申然笑一笑，一早話左比妳知根本冇火星男，十個男人九個滾，得番一個仲諗梗。
「程子欣，妳應承我，一定要開開心心，我願意一世用好朋友身份去守護妳。」
……
……
……
今時今日我先恍然大悟，原來個一個火星男一直都係我身邊，愛，真的很簡單。
💜💛💚💜💛💚💜💛💚💜💚💜💛💚💜💛
.png)
