.png "<記得●忍你＞")
有一種愛情叫相依為命。
有一種感情叫天長地久、細水長流。
有一種熱戀叫「我們」，你還記得嗎？
……
我有說過 我會記得 以後
誰人才是女友
玩樂時候 別要 太自由
嘟…嘟……嘟，你已被接駁到90908080留言信箱，請係嘟一聲之後留言。
「喂！呀嫂喎！做咩唔聽姐。」呀峰一手搶左部手機。「唉！佢打親電話都係問係邊，一係就問同邊個一齊，比佢知我落左去飲嘢，一陣仲煩過我老母。」
「唉！我地好似已經淡到冇話題，仲可以點？唔通真係唔婚就分咩？」呀樂拎住支威士忌起勢係咁隊。
我答應過 我會記得 回去
如常熱愛工作 然而別妨礙牽手
……
我記得我應承過妳會準時返屋企飲妳煲嘅湯，食妳煮嘅飯;我記得熱戀個陣，我地每日成千上萬個wtsapp,仲會講到唔捨得訓教，每日最少10個電話，由幾時開始，我地會變到冇嘢講？
「你以前都唔係咁嘅，你以前唔會唔聽我電話，你以前唔會發我脾氣……」「返工開會點聽電話？講吓道理得唔得？體諒我得唔得？以前以前……靜係識得講以前，妳以前都唔會咁野蠻啦！」思思一嘢就掃唒枱上面啲嘢落地，玻璃碎片佈滿一地。「夠啦！癲完未呀？癲婆！」呀樂好嬲捉住思思隻手。「做咩呀……係咪想分手呀？講呀！」思思失唒控咁尖叫，呀樂慢慢放開思思隻手，靜靜咁出左去。「走呀！走咗唔好返嚟呀！衰人！」
仲忍係因為仲愛呀嘛！但到左今日我竟然唔想再忍啦，即係代表咩？已經唔再愛？我唔知。
「喂！樂！唔好再飲啦！咁樣隊冧自己都冇用架！」呀峰拎左支酒。「你由我啦！」「鐘意咪返去氹返人囉！」樂繼續飲。
「作死呀！又飲，飲咁多！」一把熟悉又陌生嘅聲音，抬頭一望見到思思個對又紅又腫嘅眼。「點解……我地會搞到咁嘅？明明我地之前好地地，我地會有好多好多話題，幾時開始我地之間嘅對話得返單字？係咪淡咗啦？」呀樂輕輕攬住思思「我唔係想發你脾氣，但我唔發你脾氣發邊個脾氣姐？我知我難頂，陳永樂你都好難頂架！」「仲忍係因為仲愛呀嘛！我愛你好易架咋，講咋嘛！係人都識講！我忍你呢係要做出嚟架！」直至呢一刻，我諗我搵到答案，我愛佢，所以我忍佢、包容佢。「喂！陳永樂！唔好講到我冇頂你咁，我都頂你唔少架！」
明白我尚記得 甜蜜時盟誓
。
少年，你太年輕了，以為咁就完？世事往往總係出人意表，依個moment 突然有把女聲「呀樂，我有左。點解唔聽我電話，唔係呀峰講，都唔知你響度。」原來佢係思思死黨琪琪。思思呆左唔識反應，更諷刺嘅係咁啱播梗相依為命，你不放下我，我不放下你……「思思對唔住，就係你地嘈交個晚，樂上左我屋企，我地撘上左。」
……
應該 記得 記得 其實 說好了
和你 一起選婚戒 迎娶妳
或者會 安撫到妳
我愛你用口講好易架咋，
我忍你係要做出泥架……
仲忍係因為仲愛呀嘛……
如果係妳忍唔忍？
