同男朋友打機是件甜蜜的事。

我同麥仔有時會一齊去機鋪打機
我地兩個都唔係去開機鋪打機打到曉飛既人
所以我地去到就好似係機鋪入面既小朋友
玩埋D非熱門遊戲，玩下找錯處拍拍機Mario咁。

雖然我地好廢成日都好快輸又要再入錢，
但係一齊打機既過程真係好開心。

有時我地有共同目標共同敵人，一齊合作打對手
打喪屍槍game時我成日叫佢 救我呀 保護我呀
而佢都唔會淨係掛住自己果邊，會幫我手
贏左固然好high，但輸左都唔緊要～咪再入錢囉。

有時我地會係對手，
打Mario Kart打街霸時我地從來唔會讓對方，
佢唔會因為我係女仔讓我，而我都唔會怕佢輸左無面而讓佢
讓來讓去就唔好玩啦。大家全力以赴甘去比賽先尊重對手咖嘛
我輸左佢一樣會沾沾笑我無用，佢輸左我一樣大聲話佢廢

所以我地係最好既隊友，亦係最好既對手。

今日用左九十蚊一齊玩左兩個鐘
九十蚊換到兩個鐘既快樂 好抵啦～

我的專頁：https://www.facebook.com/hkgirlfriend/