吾知大家覺得香港最大既問題係咩？
同外藉男友傾開，佢認為最大問題係年輕人吾夠多。咦，我又冇諗過呢個角度喎。
腐敗既政府政策，吾完善既福利考試制度，大財團壟斷，公司既老屎忽，成日OT既慣例仲有好多腦閉塞既舊思維等等，其實都係上一代既產物。佢地如果吾符合主流思想，被推翻只係時間既問題。
上一代較多著重安逸，重實務而忽略創意文化，以財富成就黎衡量人係咪成功。
我地呢一代好多人已經吾係咁諗，有好多年輕人肯企出黎爭取民主，又有人去追被指為不切實際既夢，有人出心出力推廣藝術文化，只係冇權冇勢，好多零碎既聲音未強大到改變現狀。
但上一代總會被時間淘汰，都由我地呢一代發板既時候，係咪有信心吾會因循守舊，任由悲劇繼續？
我覺得呢，有能力影響香港將來既係我地呢一代呀。係時機未到既時候，與其終日投訴呢樣個樣，我地要好好裝備自己，保持批判性思考，吾好咁易被人洗腦或者屈服係強大勢力之下，吾好因為生活勞碌而吾記得想要啲咩，總之就係吾好浸係個熱煲到就快被人煲熟都吾知咩事呀！
我地短期內做到既野好少，真係好令人灰心。但抱有抗爭既心，團結加耐性，啲舊派野遲早都會冇。冇錯我係抱有信心既。
不過人口老化呢樣野都幾難解決，唉。如果係因為生活困難而選擇吾生，係幾可惜既事。生活雖困難，但生命仍然係美好呀！有朋友想生既話，真係要好好支持。
各位後生仔女，我地要加油呀!
.jpg)
