以前細個成日都好想有信用卡。見到啲人成個銀包都塞滿信用卡，我真心覺得好型。
比錢只要攞張卡出黎，簽個名就比到錢。以前讀中學果陣，有啲同學有銀行戶口，然後去銀行禁錢，我真心好羨慕佢地。（小學就羨慕人有八達通）
上到大學，我就啦啦聲去申請左張信用卡啦。
點知，呢個係惡夢嘅開始。
攞住張卡碌，你係無概念到底自己洗左幾多錢。咁我本來理財就好差。再比張卡我，我碌碌下，都唔知自己洗左幾錢。當然，有信用卡真係好方便。方便到，你連門口都唔洗出，就可以買一大堆垃圾。無錯，就係講緊網購。
本來以為，只要唔出門口，就可以洗少啲錢嘅我。結果係網上，買左一大堆唔等洗嘅野。又買衫啦，買電子產品，買鞋啦，買背包，你講得出，網上基本上有得賣。你諗唔到嘅都有。
但如果你無信用卡的話，有時候都好唔方便。而家好多野都可以網上繳費，尤其係大學學費，可以網上繳費。仲有，買機票，都係網上比錢。平好多ga！仲有好多野都係網上繳費。當然，有其他繳費方法，但網上繳費係最方便。而網上繳費最常要求嘅就當然係信用卡。所以，無信用卡又係好麻煩。
呢啲就叫有又麻煩，無又麻煩。
而家，信用卡多左樣新功能，叫tap。即係好似八達通咁，拍一拍就比到錢，連密碼都唔洗要。呢個功能無疑係方便左。佢係用一種技術叫NFC。仲有一樣野都有用到呢種技術，大家估下係咩？無錯，就係智能電話。通常都係啲新型嘅電話配備嘅功能。呢個功能，就係用電話黎比錢。咁麻煩就黎啦。張信用卡用電話拍一下，就可以複製晒成張卡嘅資料。
咁所以，而家就出左一款銀包，有防盜功能。何謂防盜，就係銀包有一層物料係用黎防止張信用卡比人複製。其實你用錫紙包住張卡都可以做到防盜效用。
雖然呢個功能好方便，不過都係，有又麻煩，無又麻煩。比個複製左張卡，就大禍了。而且，呢個功能，令人更易花錢。
以前你都要禁個密碼，簽個名，你都仲有諗一諗。而家就咁拍一拍，連諗嘅時間都無。八達通都還好，會話你聽，你餘額係幾錢。信用卡咁拍一拍，你點會知自己一日拍左幾錢。除非信用卡爆額，你咪知，因為已經比唔到錢。
咁，申唔申請信用卡？申請，因為信用卡有好多優惠同方便好多。不過，要好好管理張信用卡。
－－－－－－－－－－－－－－－－－
有段youtube片推薦大家睇下
https://www.youtube.com/watch?v=tNGNGr4axnc
如果喜歡這篇文章，不妨到我的facebook比個like我，支持下我。感謝:)
張圖係網上copy的。
