生於香港，大部分成就都唔係屬於你真正既自己
所謂目標，只係由一出生
社會﹑父母等等既前人賦予我地「應該去做啲咩」
我地基於佢地賦予我地既架構，去以自己既一生填滿以鞏固成個架構
而唔係「我地本身想做啲咩」﹑「我地人生自己話事」﹑「我地跟從自己人生從而得到成就感」
好簡單一個例子，我地讀書唔係「我地本身想做啲咩」，而係「前人賦予我地既職責」。
前人建構左一個走向知識型經濟既社會，而我地為左令「我地個人」變得更有價值，我地會去以自己既頭二十年去鞏固成個架構，去為架構本身既發展出一分力。
再黎一個例子，我地去追求一樣風潮下既事物，係基於社會下既壓迫使到我地從眾以免我地係呢一段期間人生係同社會接軌，避免被排斥。
由他人帶動自己去達成一樣「成就」，其實我地只係被社會本質上既架構認定為鞏固架構既一分子，而當中社會亦都認定左呢一班人所做既野會係佢地人生既一個「成就」。我地係群體生活上所獲得既「成就」往往唔係「我地跟從自己人生從而得到既成就」，呢個「成就」而係他人賦予我地一個名義。
咁講主要係想帶出，其實你而家追隨緊既所謂「成就」，係咪真係「對於你自己而言一個符合到你本人所嚮往既成就」？
我地往往所追求既成就其實只係追求緊一啲「社會共同認為既成就」而非「個人真正認為既成就」。
我地卻認為係追隨呢啲「成就」耗用得最多既係我地既精神﹑體力﹑時間或者金錢，但耗用得最多既，往往係你自己既自我存在感。
你不斷去將社會既價值觀塞入自我，令到本身自我存在感被呢啲社會自我存在感無限填補，最後填補到失去自我意識成為左集體架構被塑造模下既一個填補物，而個模本身可以係正方形，你自己就俾社會自我意識感強制轉換你自己個形態去令自己符合到模既大小長寬高。
我唔係叫你完全俾自我意識填補自己，係叫你將社會自我意識放低幾塊，時收時放靈活變通，最重要既係自我意識一定唔可以同社會自我意識各自一半或者埋沒。
你係一個人，你唔係一個等待被改變處於物理層既模，請尊重下你自己。
