革命係源於有一班人對當權者既不滿，而且係比較長時期上既不滿，亦都唔係對單一政策既不滿。
而係對於當權者本質上既不滿，當權者本質上侵蝕緊本土核心價值既時候，革命由之而來。
發動革命既一班人，大多數只係政權之下比較低下既一班人，少數既都有一班本來係既得利益，可以係政權之下苟且偷安既一班人。
呢一班人，係本著對於現狀既不滿，而去發動革命，以致去創造革新思維，改變現狀。同班不思進取既得利益者比較佢地仲敢勇於嘗試新方向。
革命，本質如此，終須如此。歷史亦都話左俾我地聽，唔同既時代有著唔同既革新，改朝換代以及帝國興亡，又何嘗唔係本質上革新？
一個國家腐敗至極，最終令到百姓民不聊生，自然有人推翻政權打著「革新」旗號，歷史就係如此。
因自身國家之弱而被他國攻佔，又如何？咪又係革新，不過革新既係他人革汝之新，實際情況黎講咪又係革命。
但歷史不斷重演，就可以意味我地可以唔再革新，重演歷史？
呢個問題好簡單，只要幻想下一個人一生既愛情歷史，有幾多可以初戀當終生伴侶？咁樣既人又可以有幾多個？
初戀唔好，換第二個。第二個唔好，換第三個。第三個唔好，換第四個。大部分人係換既時候，有著唔同既經驗。
愛情如是，歷史未來也如是。
更何況歷史未來，係盛載住千千萬萬個人類既時間載體，冇返幾千幾萬代既重演點算好？
就係因為咁，故要革新，革新之餘，向歷史借鑑，借鑑令革命既重演推進得更快。
Revolution，革命英文一詞入面冇左個R，變左Evolution。(當然佢真正既由來留返俾啲語言歷史學家講)
亦即可能意味住，當我地”Re”(重新)去推進一個Evolution，帶入另一個境界既時候，我地需要既係一而再，再而三不斷革命，才得進化。
呢個就係人類社會咁多世代以黎，我地既最終目的：革命令一切更加美好。
至於每一段革命，每一段重演既時間，唔同人都會有自己既角色。
發起革命者當然係最主要既角色，當權者又係一個角色。
但滿於現狀有所成就同置之不理者，又係兩舍不可或缺既角色。
因為呢一班人正正就係受緊當今政權下既既得利益者，試問人性之下，又幾多又可以抵受如此可以令自己人生過得更好既選擇？
既得利益者，往往就會不願革新，故步自封，不思進取，繼而成為「老屎忽」。
佢地係咪一定不願革新？哈，又唔係喎。
當佢地再受唔到當權者既利益之後，佢地就會一百八十度掉轉，成為發起革命既其中一班人。
但往往，係短暫既。因為當權者唔係傻，多一個朋友好過多一個敵人，當然會即刻做啲野救，掩住佢地把口，佢地就會好乖咁收返聲。
至於置之不理者，呢一個角色看似係茄喱啡，但實際上佢對於革命成效有好大影響力。
呢一班人，有少數係認為自己可以獨善其身，認為自己唔會同世俗打交道既一班得道成仙既人類，呢一班人置身事外，但實際上世俗所做既事，係每一分鐘每一秒每一刻都影響住佢地，好簡單既衣食住行，都已經被牽涉。你以為自己可以獨善其身？有啲就放自己係野外，但事實上世俗所食所屙所用既，終會影響環境，即係都會影響你。
但無論係多數既少數既都好，往往佢地唔知自己影響力有幾咁大，往往唔知自己佢地對於革命推前可以發揮到幾大既效用。
因為一個人既能力，係無可估計，即係話，即使係置之不理者只有一百個人，都已經足以產生出一百個無限可能。
咁你話，佢地影響力大唔大？我就覺得好大。
革命如此，人類如此，其實我係諗唔到點收尾先求其交兩句。但想講既就係，每一個人，包括你同我，都係舉足輕重既一個單一個體。
