你可唔可以回想起當初你開始同人有比較嗰一刻？
玩具﹑成績﹑親情﹑朋友圈子等等……
你有冇曾經比較過？

而係嗰一刻，你有冇覺得幸福隨住個人越大越難得到？
其實你倒返轉頭諗，其實幸福感係同個人年齡冇關係
反而係同我地自身意識有密切關係。

我地細個，從來唔會諗乜乜人比我地好，因為我地係細個既時候只會諗到自己。

同埋係天真既時期，比較唔會係呢段時期萌生係你個腦到。

但到左某一個階段，比較意識不斷植入我地既潛意識。
就好似玩具﹑成績﹑親情﹑朋友圈子等等……

我地覺得我地係呢一分呢一秒擁有既一切唔足夠，係基於我地同其他人有比較。
我地覺得我地係呢一分呢一秒好似任何野都不如人，係基於我地著意比較既結果。
我地覺得我地係呢一分呢一秒自我意識極低，係基於比較意識係各個人既優點之中取代左你自己係嗰方面既情況。

隨著我地個人越大，即使係一秒之際都會有比較出現。
我地係一個正常既日子，無論係搭緊車﹑食緊野﹑職場上﹑學校上﹑朋友上……即使係一個好細既朋友圈子我地都會無時無刻有個比較

令到我地不斷係他人既優勝之處取代我地自身，自己會因此覺得一文不值。

當我地發覺自己永遠都唔滿足，或者一文不值既時候，有冇諗過控制比較？
比較無時無刻係到侵蝕我地自身，令到自我認同感處理極低水平。

相比起比較（呢個都係一個比較），我地需要既係知足，了解自己而家所擁有既一事一物，了解一事一物唔係必然得到，了解呢一事一物對於自己有乜幫助。
當你可以諗到呢步，你就可以利用返比較，去以自己既優勝之處比較他人，去令到自己更加知足。

當然，物極必反，當你太知足既時候會令到自己不思進取。
但反觀而家既社會情況，知不足既人「似乎」大比數多於知足而不恩進取既人，令到我地日日好似行屍走肉咁。
「知足」正正係我地社會所需要既人生態度。

加上，其實「知足」係一種中庸既生活態度，故名思義，其實知足係叫我地知道自己而家既現況，唔同人比較，走向不思進取既係另一個態度：自大。

最後，想引用一句。
經云：「知足之人，雖臥地上，猶為安樂；不知足者，雖處天堂，亦不稱意。」

希望你可以知足：）。