雖然我地冷戰鬧交，仲講左好多好難聽既說話
但我心入面始終係疼你、愛你，你知道嘛？
就算生氣，我都不會忘記要疼你
.
有時候雙方鬧交，怒火蓋過一切，
不知不覺，原來好客易衝口而出傷到對方。
「你都痴線，個個好似你咁就死得啦！」
「係呀！咩都你岩、咩都我錯，咁得未呀！」
「唉我唔想再同你講啦！」
或者最後大家互不理睬，但其實都只係等緊對方搵自己
.
「你好野呀！真係唔搵番我！」
「係咪咁多野做呀？睇下手機都無時間？」
「死啦，佢會唔會真係嬲呢？」
明明緊張對方，但始終唔肯退一步
望住手機對方不斷上線離線，最後仍然死要面子唔讓步
.
隔左一個夜晚，大家始終都互不退讓
.
他想著她
她亦想著他
呢一晚，其實雙方都好難捱
.
.
隔日天氣回冷，男仔見到電視報導天氣將會驟降
突然記起女孩每次天氣一轉都好容易會病
或者大家都經歷過呢種矛盾吧？
表面仍在冷戰，但內心又忍不住想去關心對方
.
「我係你樓下，我買左啲野比你」
就算嬲，我都仲會記得要疼你
.
「你終於捨得搵我啦咩…」
嬲還嬲，愛你還愛你
無錯我的確未嬲完，但我唔會因為咁而唔照顧你
男仔買左對方之前鍾意既一件外套，專登係天氣轉變前送比佢
「呢幾日轉天氣，你知自己架啦..又容易病..無我照顧你既話，你轉頭又病架啦..」
.
女仔望住件外套，呢一刻已經暖到入心
雖然呢個男仔成日激嬲自己、又成日鬧自己，但係仍然係愛佢
.
因為你係我愛既人，我始終唔捨得唔理你
男仔態度明顯軟化，而你呢？
或者仲可能故作未下氣
「咩呀..我都未原諒你..」
有時候轉捩點就係呢到，好多時女仔就係咁，希望你可以再哄一哄自己
.
如果對方再撒點嬌
「唔好啦BB，就原諒我一次啦。」
女仔見到對方傻傻氣氣，亦都唔捨得繼續去嬲
然後冷戰亦會成功破冰
.
其實無人鍾意嬲，因為嬲一個人真係好攰
有時候我地都想對方來哄一哄自己
但如果嬲得太耐，又怕對方真係會好嬲然後疏遠..
或者，我地都理想地期待對方能多走一步、退讓一步
但係有時就係要雙方互相配合..
因為單方面既付出，真係好容易令人疲累
.
.
無論男定女都好，都希望珍惜係冷戰期仍然會主動哄你既人
有時對方主動低頭，唔一定係佢量度夠，亦唔係佢比較好蝦
而只係佢真係愛你，愛到唔會咁容易一時之氣就走左去
.
或者每個人都只識得退一步，但又有無人識得主動去追多一步呢？
.
P.S 呢個星期多左好多讀者黎搵我呢個樹窿，但我話自己其實擘大口得個窿…ha
不過點都好啦，好多時拍拖都係要雙方去磨合，互相體諒好快就會破冰, 大家都要加油:)
.
ig: hottofuzai
fb: 熱豆腐仔
https://www.facebook.com/hothottofu/
