怕唔怕鬼，應該與性別無關。
有啲男仔好怕鬼，有啲女仔夢想就係想見吓鬼係咩樣。
不過，我女朋友就非常怕鬼…
有幾怕？佢連夜晚見到屋企涼晒衫都驚。
「乜你無聽過咩？如果對拖鞋好整齊咁放喺床邊，夜晚啲會著住佢㗎！」女朋友話。
「但拖鞋同涼衫有乜關係呢？」
「你諗吓，隻鬼無可能著你對拖鞋，但唔著你啲衫㗎嘛！」
佢又幾有道理…
不過都無乜所謂啦，至多咪夜晚唔涼衫囉。不過…同怕鬼嘅女朋友去旅行，就好大件事！
喺女朋友心目中，酒店係必然有鬼！
所以啲入房前先敲門啊、拜四角啊、睇吓有冇放聖經啊、夜晚唔好開窗簾啊…
佢一定做到足，試圖令隻鬼唔好喺佢面前出現…
而最大嘅問題就係，每晚…係每晚！女朋友都會起身屙夜尿！
因為佢太驚，一定要叫埋我起身，企喺廁所門外守候佢。
「起身啊！我想去廁所！」頭幾次，可能女朋友太急，佢狂拍我雞心。嚇到我連個肺都差啲跳埋出黎。
「咩、咩事？」
「我想去廁所。」
「去啦去啦…」
因為我住嗰間酒店房，所有燈制都喺晒門口，門口隔離就係廁所，即係我行得去開燈，不如直接陪佢去仲好。
女朋友覺得一睜大眼就會見到鬼，所以佢會成個頭痴實我背脊，我好似隻導盲犬咁帶佢去廁所。
呢一招命名為「四腳獸」，係佢喺海洋公園哈佬喂度學返黎。
點解又要驚又要去？我都唔知…
「哈哈，我哋又變物做四腳獸啦～」女朋友喺黑暗嘅酒店房苦中搞笑。
「係啊～」
「噫啊都係唔好講，我諗起隻鬼有四隻腳都幾恐怖！」
「…」
「下次呢，叫醒我可唔可以唔好拍我心口，我畀妳嚇鬼死。」
「哦，知道…」等佢去完廁所，變做四腳獸咁行返上床繼續訓。
「起身啊！我想去廁所！」頭幾次，可能女朋友太急，佢狂拍我雞心。嚇到我連個肺都差啲跳埋出黎。
「咩、咩事？」
「我想去廁所。」
「去啦去啦…」
因為我住嗰間酒店房，所有燈制都喺晒門口，門口隔離就係廁所，即係我行得去開燈，不如直接陪佢去仲好。
女朋友覺得一睜大眼就會見到鬼，所以佢會成個頭痴實我背脊，我好似隻導盲犬咁帶佢去廁所。
呢一招命名為「四腳獸」，係佢喺海洋公園哈佬喂度學返黎。
點解又要驚又要去？我都唔知…
「哈哈，我哋又變物做四腳獸啦～」女朋友喺黑暗嘅酒店房苦中搞笑。
「係啊～」
「噫啊都係唔好講，我諗起隻鬼有四隻腳都幾恐怖！」
「…」
「下次呢，叫醒我可唔可以唔好拍我心口，我畀妳嚇鬼死。」
「哦，知道…」等佢去完廁所，變做四腳獸咁行返上床繼續訓。
去到第二晚，我熟睡中，突然聽到有把陰聲細氣嘅女人聲喺我耳邊講…
「我想去廁所啊…陪我去…廁所…」
我嚇到扎醒咗…
「喂大佬啊！嚇鬼死人咩…」
「咁你又叫我唔好拍醒你，我咪細細聲喺你耳邊呼喚你囉！」
「唉～去啦去啦。」
如是者，成個旅程每晚我都被一把女鬼聲嚇醒，然後陪女朋友去屙夜尿。如果我都想屙呢？就要先送佢返上床，然後自己再行去屙，屙完再返上床訓，好鬼多步驟，但無計，鬼叫女朋友驚鬼。
去幾日旅行，其實都唔係太大問題。但係…我前年陪女朋友去咗一整年澳洲！試諗吓我每晚都會企喺廁所門外守候，幾陰公。
可能你聽完之後會覺得，挑反正你都唔驚鬼，拍乜啫。
細細聲話你知，自己一個孤零零咁喺廁所外面等女朋友，其實都幾驚…
不過女朋友喺我背脊，我唯有頂硬上！
女朋友驚鬼，所以我夾硬唔驚鬼。
相比起怕鬼，我比較怕女朋友。
ig：BlueGodZi
專頁：http://www.facebook.com/BlueGodZi
