香港教育制度一直都存在著眾人皆知的問題，卻一直不思改進，填鴨式教學迫得學生們透不過氣。
說教育，根本不是要讓學生們長知識尋興趣，說教育，大概只是教學生們闖關考試攞積分。
總之，成績單是一切，張cert是一切。
這些都是社會企業上默許了的事。
學校為了聲譽及收生展望，你考好個試啦。
老師為了保住份工，喂，你阿sir 我都未儲到份首期呀，改變？被人炒左就唔慌唔變喇！你考好個試啦。
家長為了孩子們能成為他們心中的「成功人士」，你考好個試啦。
結果…功課、pastpaper、補習、精讀班、小組分享乜乜乜都全部塞塞塞曬落去。
九把刀話過時間可以好似波罅咁，強行擠出來。可惜，很多人不了解或誤會了，九把刀見的通常都是台妹。港孩要擠出時間，就如港女要擠出波罅一樣，口中只能默默概嘆從來沒有從來都沒有。
「人地放左學都係報咁多個班，我仔仔唔去，咪即係蝕底左？」
喂，你地有無人真心想了解下你小朋友想點架？
「媽，我唔鍾意返學…」
「哎呀！你講咩呀？係咪裙左d壞朋友呀？唔讀書？邊有出色呀？你想好似出邊d廢青咁吖？係咪miss wong 教得你唔好呀？我聽日投訴佢！我都覺得佢有問題架喇，佢個科，點會淨係做兩年past paper就夠吖。」
「媽呀…我…」
「我知喇！幫你報多個LCCI 會計先修班，我知架，你大個要做會計師吖嘛，嗱，星期六朝早唔好打波喇，就改呢樣啦，你對數字又有天份。」
「媽…無嘢喇…」
學生跳樓悲劇，很多人指責教育局，無錯，但竟然更多人矛頭直指現今學生們唔捱得，唔識處理壓力，一蟹不如丁蟹。
社會氣候迫使到年青人好似置身北京霧霾現場，看不見前路，看不見光明，做老師、做醫生原來都負擔不起一個小小安樂窩。
當權者的荒誕行為，語言偽術令年青人體會到根本沒有承諾可言，「將來點點點」實在太過遙遠，我連明天龍門是否猶全也全然未知。
熟悉的街道，習慣了的人和事被換上了陌生的語言、核突的文字，還要說這是大勢所趨，有共鳴的事一件件被消失，在已定型的僵硬填鴨上還要硬生生值入愛國共融情懷…做填鴨仲要做隻大陸填鴨…
做家長的，為搵食勞碌，與孩子的對話每天不超過三句，手機中的〈開心一家親 sweetie yeah yeah〉群組長期公式的答問顯得格外冰極。仔仔雀躍的send來一條咖哩哥(註)半場射籃影片，卻得到了「上緊堂留心d啦」的一盤冷水回應。
「呢家d後生真係唔捱得，郁d又話要死，我地以前讀書夠辛苦啦，咪又係咁樣捱出黎。」
某日您可能都會眼濕濕同大眾一樣咁講，
某日您可能嚮你仔仔間房入面搵到一封：「給咖哩哥的信」，然後，您發現，您和仔仔原來一直有一個共同理念，「我想要成為一副得分機器」，可惜，您知道，您把舞台放錯了。
而現在的您，已經沒法改變得到什麼。
您拿著他那一張張似有若無的成績結帳單，甚麼大陸開放前景、一帶一路資助、未來第二個華爾街…
看著吳克儉局長去日本食紅葉影放題…
「屌你啦。有人關懷過佢地咩？」
中環塔倫天奴
