我前公司有個阿姐，so called marketing director，最鐘意就係扮智者mode，表現出一副乜9都識，一切盡在掌握，做________ 其實唔難咁嘅樣。
佢最鐘意就係用經驗撻我地:
「你呢條橋，我幾年前諗過啦，唔work 囉，d客唔會同你癲…」
又試過，我地幾個放飯講起d災難片，問佢有無睇。佢通通都話，有。跟手好快就轉移話題喇。
「而家d災難片愈黎愈差，以前果d就唔同，你睇呀大白鯊…」
又有次，佢叫我拎支潔而亮去擦返乾淨曬個影棚白布景，堅kam，真係要阿信式跪係度逐寸擦，d花痕呀、d鞋印呀…白色真係一眼就睇到，無得偷雞。佢見到我就話：
「你擦得可唔可以唔好咁委屈吖個樣？好辛苦咩，以前我地成千呎嘅景都係…」
之後我就好似粵語殘片d反派咁，一路仰天長笑「哈哈哈！仲摔你唔甩！哈哈哈！」咁一個人擦左六、七個鐘。
就算連我同事有日講起幫襯喜喜， 佢都失驚無神一副老手咁同佢分享，「嗱，搞婚禮去w hotel到擺啦，影相就搵阿邊個無咁掠水…」
「屌，你拍過拖咩？中女！」我地都不約而同心諗，但係良知壓抑住情緒，無秒殺出呢個赤條條既事實，亦無話佢知唔係有個「喜」字就關wedding事嘅…
長輩嘅野，唔係話你d經驗無用，只不過，世界每秒郁緊，特別黎到而家，所謂潮流，兩日都嫌out，你試下而家笑龍心438 boyboyboy，打出黎都有陣 Leung味，有時所謂經驗，反而綁死自己。
其實講句「唔知」，學習下，認識清楚，先再發表你個套， 好難受咩？
你知唔知咩係洗版呀？
知！
係咩呀？
…
PS. 我地有一個連簡單網路用語／現象都完全零知半解嘅人黎落實網絡 23。
