22/8
夢見買左隻新錶，8萬幾既勞力士。
我戴左番中學上堂，我身分並唔係學生而係助教。
有班小朋友，佢地唔太乖，其中一兩個仲可以稱為曳。
於是我就諗辦法去要佢地聽話，唔記得係溜冰定同佢地游水。用玩捉既模式要佢地答問題。
有個有錢仔小朋友俾我捉住，然後佢提出俾錢我叫我唔好要佢做功課。我拒絕，提議話去打籃球，如果佢贏到我，我就唔洗佢做功課。
打打下波，我突然醒起自己有個長笛班要去報到，我就跑樓梯上課室。”卟”一聲，我望一望隻錶，我見到隻錶既玻璃裂左。
去到課室，見到長笛個導師，我叫佢幫我研究下睇下有冇得整番隻錶。佢話，隻錶爛唔係因為撞到野，而係打波既時候震動，震碎左隻錶。
我望住佢既殘骸咩都做唔到。
攞左去一間鐘錶鋪打算買個新玻璃套落去，點知個老闆話。隻錶冇得救，會隨住行走既搖擺，遂啲遂啲咁粉碎。
我失望到極點就醒左，雖然件事好不合理，但夢境就係千奇百怪。
夢完