20/8
夢見自己讀大學時，開學日大家坐哂係演講廳。
一開頭玩個破冰遊戲，搵左幾個人出去寫自己既夢想。有個女仔好巴渣，咩都唔想俾人知，就問個教授話要簽保密協議。
女仔寫完張紙教左俾教授，其他人都係。教授講左大家既夢想再分析當參考咁俾大家知。由於個女仔唔想俾人知，所以教授就冇讀佢出黎。
之後唔知點解，將啲紙貼左係台前既幕布上面。有人好奇，所以去了解下個女仔寫乜。就係因為咁，個女仔學得人地侵犯左佢私隱，而佢有簽左保密協議，覺得教授貼佢張紙出黎係犯法。當然，教授只係一時疏忽唔記得收埋佢張紙。
依個時候個女仔發脾氣，佢唔知點解個頭染左藍色，又走出去黑板畫左佢自己個樣出黎。話會有其他人模仿佢
咁岩依個時候，我女朋友出現。女仔見到我女朋友即刻好似發左癲咁，話一定要告個教授。原來因為我女朋友造型同佢有啲相似，佢覺得係教授洩密。其實冇乜似，只係個髮型同佢一樣係淺藍色。
依個時候，有人發現我女朋友係個機械人，其實佢係個好似真人既AI。個女仔好似發左狂咁要針對佢。
其他同學見到就幫我還擊，話要一齊整到個頭藍色。當刻全部人一齊走出去學校外面搵假髮。我拖住女朋友出去話會陪佢渡過難關，去左間雜貨店，見到個淺藍色既假髮，我就戴左上頭。同佢一齊行番學校
番到學校個女仔搵左記者黎採訪，問一啲關於性既問題。話我地冇可能發展，冇可能生育etc。我話其實AI都有感覺，都可以享受性愛。畫面一轉，我同女朋友就入左房係張床到發生關係。係前戲階段仲係錫緊既時候。。。
我醒左
夢完