18/9
夢見去左一個商場，係我屋企樓下。我發現有間餐廳免費俾人入去溜冰，於是我就去左，因為我好鐘意溜冰。
由晏晝溜到夜晚，自己係度練習。
去到餐廳臨收門既時間，啲冰溶哂。但我廢事同人講，等佢哋自己發現。
依個時候，我見到以前番炒散餐廳既經理。去同佢打招呼，原來佢係隔離間便利店做manager ，佢地執緊貨。得閒啲既時候，佢著左對溜冰鞋，係商場度溜冰，原來個商場地下都係冰黎，隨時都可以溜冰。我望住佢見佢玩唔同花式，於是就去請教佢，因為我唔識轉圈。好快我就學識左。
我入商場入面既溜冰場，雖然成個商場地下都可以溜冰，但佢都仲有個溜冰場。
入到去，我見到以前中學既數學呀sir ，同佢傾計得知，佢冇再教書，反而係溜冰場入面間餐廳做經理。
同佢傾左好耐，溜冰場終於關門，啲人離開既時候仲有冰係度，原來佢地會放啲毯去保溫。
我出番去搵便利店經理，但佢好似覺得我阻住佢咁，佢拎起個剷將地下既冰剷走，同我講冇得再溜冰。
見狀，我自己都搵籍口走。咁岩中學個老師都收工，所以我跟住佢走，不停r水吹直至離開商場。
夢完