其實香港嘅離婚率真係幾高,搞過離婚就可以感受到。當你喺search engine打離婚相關字眼,輕易可以搵到無數人問及離婚手續、費用、流程以及討論區留言等等。而當你親身到出名處理離婚案件嘅律師行,更加感受到有如行花墟般的熱鬧。同花墟分別最大嘅,係每個人都自己行開或者坐開,唔會見到任何一對談笑風生。直到職員喚出一對名字,房內就有兩個坐得好遠嘅人會同時起身行過去。
每次聽到有關佢嘅消息,我都慶幸自己已經離開咗呢段關係。明知係無止境嘅困局,與其兩個人拖拉一輩子,我寧願做所謂狠心離開嘅一個。有人話我斷送一段姻緣,我卻所幸自己解開一段孽緣。
有時諗到對方的新對象,我感到很抱歉。如果我沒有離開,或者佢哋就唔會遇上。有時我又會想像或者佢哋係天作之合,完全perfect match,咁可能就係好彩我無耽誤佢哋嘅命運。